مكنتش متخيل فى يوم من الايام ان ممكن تحصل لى حاجه مرعبه ، انا مدمن رعب .. يوم الخميس بالنسبالى احلى يوم فى الاسبوع …بيكون صابح الجمعه اجازه وبسهر براحتى …
الأسبوع ده مفيش حد معايا كلهم مسافرين..
نزلت فيلم جديد لسهرة الخميس وقللت الإضاءه وجهزت سجايرى و البيبسي و الشيبسى الى بحبه وقررت اسهر سهره مرعبه واتفرج عالفيلم الجديد…
العادى بتاعى انى لما بتفرج على مسلسلات بقفل باب اوضتى و بعلى صوت سماعات الاذن.
اندمجت مع الفيلم …… كان بيحكى عن اسره تركيه – رجل وزوجته وبناتهم الاتنين – بيتهم مسكون بأرواح شريره …صاحب البيت استعان بشخص روحانى يصرف لهم الارواح الموجوده.. الشخص ده جاب شمع وولع بخور….و قعد مع اهل البيت وبدأ يقول كلام مش مفهوم ويكرره ….بعد فتره بدأت الارواح تعطيهم اشارات بخبطات على الزجاج واصوات همسات تقول لهم “حضرنا” والنجف بدأ يهتز ويتمايل … فى الوقت ده اهل البيت خافوا وارتبكوا وده تقريبا جعل الجن يثور عليهم ….وبدأوا يسمعوا خبطات قويه متقطعه على باب المنزل….
كنت مندمج جدا مع الفيلم ..بس لاحظت كارثة لاحظت ان ..