قعدت مع الست رقيه وادتلها صوره قالتلها انا عايزة انتقم من الراجل ده قالتلها عايزة تعملي فيه ايه ؟ سكتت شويه قالتلها معرفش بس عايزاه ياما يحبني يا اما انتقم منهورقيه سالتها عن اسمها قالتلها انجي وسالتها عن اسم امها وتاريخ ميلادها .. واول مره اشوف حد يسيب كم الفلوس ده جوه السبت سابت فلوس كتير جدا ..
بقيت مخضوضه من اللي حصل كانت الست رقيه استكفت ساعتها النهارده وقامت وقالتلي خلي الناس كلها تروح احنا خلصنا .. الست رقيه قامت نزلت ومش بتنزل غير لما يكو حد مهم وتقيل جدا ما ينفعش يجيلها هوا بيلها عربيه تاخدها
.
وممكن يكونوا ناس من بتوع الرهانات الكبيرة وخصوصا زي ما سمعت طراطيش من بعيد في البورصه او شات كورة كبيرة كنت بسمع انها تخاريف بس الواضح انهم بيدخلوا في ب اللعيبه الرئيسيه او حارس المرمى ويعرفوه ان معموله حاجه عشان ياثر على لعبه
المهم الست رقيه نزلت وانا مسكت صوره الشاب حسيتها لطيفه واسمه كان مكتوب على الظهر بتاع الصوره هاني محمد خدت الصورة ونزلت تحت على غرفتي في نع وعملت سيرش عالنت على اسم الشاب ولقيت صورته ظهرت اخيرا وكان مع واحد صحبه دخلت صفحته قلبت فيها شكله انسان كويس له رساله عالفيس قولتله
.
انجي عايزة تئذيك ليه انت عملتلها ايه ؟ واستنيت شويه ما ردش طلعت اتعيشت مع نع ورجعت فتحت الفيس لقيت مافيش رد نمت يومها وقبل ما اطلع لست رقيه لقيت صوت رساله عالفيس .. فتحت لقيته هاني بيقولي انتي تعرفيها ن ؟