قولتلها هنروح فين بليل كده ؟ قالتلي خافيش مش هنطلع برة العماره وفعلا هي كانت ساكنه في الدور الاول فطلعنا الدور التالت .. ومطلعه مفتاح وفتحت الشقه وسحبتني من ايدي .
أول مرة قلبي يتقبض كده دنيا ضلمة ستات كتير لابسه عبايات سودة بخور ريحته تخنق .. خرز في كل حته .. الستات كلها بتبص عليا وهي سحباني من ايدي لحد ما دخلنا اوضه كلها بخو
.
وفي ست كبيرة قاعده قدامها شابه وبتقرالها الكف .. انا طول عمري بحس ان دي حاجات خياليه كلها .. بس لقيت البنت بتسمعها بكل تركيز وهي عماله تقولها طريقك صعب هيتقلك واحد بس قبليش فيه طمعان فيكي
هتتجوزي السنه الجايه لواحد قريب منك بعدها البنت شكرتها تلها فلوس في سبت محطوط ومشيت .. بعدها قالتلي تعالي اقعدي عايزة تشتغلي ايه ؟؟
انا عيني برقت من الخضه الست مالحقتش تقولها حاجه .. بس بعدها لسه هحكي قالتلي وريني ايدك ادتلها ايدي بصت فيه وبرقت عينيها وقالتلي .. انتي الناس هتجيلك وهتحتاجلك وانتي بايدك تضحكي و
قولتلها مش فاهمه ؟ قالتلي بكره تفهمي .. انتي هتشتغلي المساعده بتاعتي وهتبداي شغل من دلوقتي .. تدخليلي اللي انتي شايفاه المفروض يخش الاول الاختيار ليكي حتى لو لسه جاي وفي ناس مستنيه من اربع ساعات
يلا .. قومت بسرعه وانا خايفه و وحاسه اني في حلم مش هصحى منه .. طلعت بره لقيت ستات كتير لقيت واحده قاعده وسانده واحده تانيه قاعده جنبها ..ندهتلها قامت وادتني في ايدي