أنا مقدرة إنه من عصبيتها بس ليه تمنعني من مستقبلي؟
وليه تسمع للناس وأنا لسه سني صغير وأقدر أتعلم قبل الجواز؟ مش يمكن احتاج تعليمي في يوم!
دخلت التمريض وكنت بشتغل أون لاين وبصرف على نفسي.
وساعات كان الشغل بيقف فترة فكنت بمشي نص الطريق عشان أوفر تمن المواصلات،
وفي يوم كان فرح بنت جارتنا وأمي قعدت ترمي كلام جدًا
قولي: ” خليكي رافضة كل الناس كدا لحد عنسي،
أصل أنا قادرة على مصاريفكم عشان تفضلي قاعدة في وشي كدا ”
وقتها قعدت على سلم بيتنا وفصلت أعيط بطريقة وجعت قلبي!
كان نفسي حد يطبطب عليا ويقولي معلش!