دخلت البيت وانا متعصبة وقعدت ع السrير كنت عايزة اريح شوية ولقيت نفسي نمت وحلمت حلم غريب حلمت ان هي بتاخد بطني وبتركبها ع بطنها صحيت من النوm كنت مستغربة ومش فاهمة معني الحلم ايه !
بليل كنا انا وجوzي بنتعشي وحكتله عن اللي حصل قالي خلاص ملكيش دعوة بيها وانا مش مrتحلها بصراحة
قولتله ولا انا بس انا مش لاقيه حد يسليني وانت مش موجود رد بكرة يجي ابننا ويملي حياتك قولتله ان شاء الله وعدي كذا يوم وحياه مكنتش بتيجي خاالص
.
ارتحت منها وكنت مطمنة وانا بعيدة عنها والفترة اللي جوzي مش موجود فيها كنت بناm وكانت بتراودني احلام غريبة عن حياه خلصت منها ف الواقع بقت تجيلي ف الاحلام ، احلام ملهاش معني خالص مrة احلم انها بتربي ابني ومrة احلم انها بترضعه وهكذا …. ، قولت يمكن تفكيري الكتير ف ابني بيخليني احلم كدة .
.
الفترة اللي بعدها ككنت مبعرفش اناm بليل خالص كنت كل يوم اسمع حد بيخبط ع الشباك وكأن حد بيبص عليه كنت بخاف اشوف واقول لجوzي بس قعد يقولي انها تهيؤات ،
وجوzي كان هيسافر كل شهر يبيع المحصول بتاعه وبعد ما مشي كان بيحصلي حاجة غريبة ، كنت واقفة ف المطبخ وسمعت صوت ورايا بصيت بسرعة بس ملاقتش حاجة كنت بحاول اقنع نفسي ان مفيش حاجة ،
وكنت كل ما اقعد جمب الشباك تيجي ريح قوية من قوتها تخلي الشباك يتفتح وابص ع منظر الزرع وهو بيطير واقفل الشباك كأن محلصش حاجة واحلم بكوابيس كنت ع امل ان جوzي هيجي وهيطمني شوية ..
بس جتلي مكالمة منه انه هيطول وهيقعد يومين كمان قعدت اعيط واقوله اني مش عارفة اقعد لوحدي رد بزعيق مانتي اللي مصرة تقعدي ف البيت قولتلك كذا مrة روحي لاهلك ، فكرت ولقيت ان مفيش حل غير ده بعد ما لميت حاجتي وقفلت ع كل حاجة كويس واول ما فتحت….
اول ما فتحت الباب لقيت كأن خيال بيجري قصادي جمدت قلبي وخرجت انا ماشية لوحدي ف حته يعتبر مهجورة مفيهاش غيري وصوت الزرع اللي كنت بتبسط منه بقيت اترعب منه كل حاجة حواليه بتخوفني مش عارفة ليه مع اني كنت حابه المكان بس العزله عن الناس وحشة كأن متغربة ف بلاد معرفهاش
مشيت مسافة طويلة عشان اوصل للطريق الرئيسي عشان اركب عربيات اطمنت شوية ،وكنت ملاحظة ان العربيات بتبقي ماشية عادي واول ما توصل للمكان اللي انا فيه بتمشي باقصي سرعة كنت بشاور لاي عربية ماشية بس محدش بيرضي يقفلي خالص واخيرا عربية وقفتلي لسه هتكلم لقيته بيقولي انتي جاية من ارض حياه
قعدت افكر بس انا مش عارفة اسم المنطقة قولتله مش عارفة والله بس انا عايزاك توديني وادي رزق المنطقة اللي انا ساكنة فيها بصلي وقالي لا انا اسف قولتله ليه انا هدfعلك اللي انت عايزه قالي لا يا ست انا اشتري حياتي احسن ومشي من غير ما يفهمني ايه الكلام او المقصد من اللي قاله وانا واقفة سرحانة ف اللي قاله
ولقيت حد بيخبط ع كتفي اتخضيت وبصيت لقيتها حياه…