نزلت وانا بنزل لاقيت طينه ومايه وهدومي كلها اتبهدلت والريحه في المكان
كانت مقرفه جدا مكنتش قادره اتحمل ابدا وسمعت صوت كلاب كتيير اوي بس رغم كده ما قدرتش اتحرك من مكاني لان هو قالي ماتمشيش فضلت متحمله الريحه والطينه دي لحد ما هو جه وقالي حيآآآآه فينك
قولتله انا اهوه نزل يدور عليا ولما شافني وقالي اي الريحه القرفه دي انتي ازاي قعدتي هنا قولتله مش انت قولتلي ماتمشيش يبقى مش همشي ابدا
ابتسم كده وقالي انتي بنت كويسه اوي يا حيآآآآه انا بجد اسف قولتله على ايه بصلي كده وقالي ولا حاجه اخدني ومشينا ووصلنا للفندق وركبنا الاسانسير بقى كل اللي في الاسانسير يبعدوا عني ومش طايقين الريحه
.
بصراحه اتكسفت جدا راح مسك ايdي وشبك صوابعي في صوابعه وقرب مني وبا*سني في خدي وقالي ريحتك حلوه اوي ياحيآآآه فضلت اضحك وقتها لحد ما كنت هدmمع من الضحك ودخلنا اوضتنا دخلت بسرعه طبعا على الحمام واخدت شاور
وطلبنا العشا في الاوضه لاقيته بيقولي عارفه ياحيآآآه انتي مختلفه عن أي بنت عرفتها قبل كده قولتله وياتري الاختلاف
ده حلو ولا وحش قالي حلو جدا
طبعا اتكسفت وسيبته وقومت بسرعه قالي مش هتكملي العشا بتاعك قولتله لا كفايه كده انا لازم اناm اليوم ده كان نايm على الأرض وانا نمت على السrير بس احنا الاتنين مكانش جيلنا نوm ابدا كانت عنينا مفتحه كنت حاسه بكل حركه هو بيتحركها لحد ما الصبح طلع لاقيت نفسي روحت في النوm معرفش ازاي
واول ما صحيت لاقيت وشي في وشه اتخضيت قومت بسرعه قولتله في حاجه يا يوسف لاقيته بيقولي ابدا ياحيآآآه انا بس كنت عايز اصحيكي عشان لازم نروح المطار دلوقتي ولازم نرجع مصر بصراحه اتضايق جدا أن احنا هنرجع بس ما قدرتش اقول غير حاضر هحضر شنطي وانا رايحه البس قالي حيآآآآه قولتله نعم قالي شكلك حلو جدا وانتي نايmه..
بصيتله بكسوف تاني وسيبته وروحت اكمل لبس واحنا ماشيين بالعربيه عشان نروح المطار لاقيت في نص الطريق غزاله بقي يحاول يفديها لف العربيه بسرعه العربيه لفت معاه بسرعه جدا وخبطنا في شجره كبيره اوي مافوقتش غير بالليل ويوسف جنبي مغم عليه وبعدها..