ادهم: ايوه صحيح كنت عايز اكلمك بخصوص كده ايه رأيك لو نعمل الفرح في نفس اليوم
مصعب: مش هنأجله زي ما هو في معاده لو موافق تمام
ادهم بضحك: لو عليا عايزو بكره
مصعب ضحك: مهو بكره يا غبي.. صح مقولتليش مين العروسه
نيروز نزلت، شغلها والكل كان فرحان برجوعها وبفرحها وحياتها بدأت تستقر
مرام بلغت الدكتور انها عايزه تعمل محضر في نيروز لأنها شاكه فيها والدكتور بلغ الشرطه وبدأت الاجراءات
تاني يوم كان اليوم المنتظر للكل والكل مبسوط وفرحان
عماد بيرن علي تامر
تامر: ايوه يا عامل ايه
عماد: بخير يا قلبي… ايه مش هتروح الفرح
تامر: فرح مين
عماد: يبني فرح مصعب ابن خالك
تامر بغضب: مصعب مين وفرح ايه ما تتكلم بوضوح يا عماد مش نقصاك
ساره خرجت احلي فستان عندها عشان تحضر فرح نيروز ومصعب: هاا ايه رأيك يا مام في ده ومتقوليش وحش
سميه بحب: لا جميل يا حبيبتي ماشاء الله البسيه ربنا يكرمك بإبن الحلال اللي يستاهلك
تاره الموضوع بالنسبالها كان اشبه بالصدمه متخيلتش الوقت يعدي بسرعه كده يعني خلاص بعد كام ساعه هتبقي مراته ودلوقتي بيجهزوها كانت مصدومه ومش مصدقه انها هتتجوز ادهم اللي كانت بتترعب منه
نيروز كانت بتجهز في اوضتها وصحابها والبنات اللي بتدربهم والكل معاها في الاوضه بعد شويه الميكاب ارتست بتعلن انها انتهت من تجهيز نيروز… نيروز بتبص في المرايه كانت مبهوره بشكلها وفي نفس الوقت قلقانه… الكل كان معجب بجمالها بيقطع فرحتهم صوت خبط علي باب البيت نيروز بتطلع تجري بفرحه: ده اكيد مصعب