وقع من علي الكرسي العجل بتاعه ومش قادر يتحرك بيلتفت حواليه انه يسمع صوت حد ينجده كان لسه هيتكلم وينادي علي حد من الخدم لكن افتكر ان امه ادتلهم اجازه ….جرب ينادي علي امه لكن من غير فايده محدش بيرد عليه …موبايله بعيد عنه مش هيعرف يوصله فضل علي الحال ده 6 ساعات وهو واقع علي الارض حاسس بالعجز الوقت بيمر بالبطيئ وكل ثانيه
بتعدي عليه بتحسسه بضعفه في اللحظه دي بتدخل عبير ام مصعب وتشهق :يالهوي تعالي يامصعب
بتسنده لحد ما يقوم وتقعده علي السرير:انت كده كويس يا مصعب
مصعب بيهز راسه من غير ما يتكلم
عبير بحده:اسمع يا مصعب مش هينفع الحال ده اديك شايف انا لو مش موجوده انت كنت هتفضل مكانك وممكن تمو’ت ومحدش يحس بيك انا هجبلك حد يراعيك وياخد باله منك
مصعب اتكلم بغضب مكتوم:انتي عايزه مني ايه ما تسيبيني امو’ت هتزعلي مثلا؟؟؟؟اتفضلي من هنا ومش محتاج مساعده من حضرتك
عبير قبل ما تخرج:انا بعمل لمصلحتك النهارده هشوف حد وهجيبه ياخد باله منك.