تامر كان بيلم في هدومه
رأفت جيه من وراه: بتعمل ايه يا تامر
تامر من غير ما يرد عليه قفل سوسته الشنطه ونزلها علي الارض وماشي
رأفت زعق بصوت عالي: انا مش بكلمك يبقي ترد
تامر رجع خطوه وبص لأبوه بيتفحصه وبعدين اتكلم بضحك: عايز تعرف رايح فين حاضر هقولك انا ماشي وسايبهالك
رأفت مسكه من دراعه: انت اتجننت تمشي تروح فين
تامر اتكلم بثقه: اوعي تنسي قبلك انا كنت عايش ازاي او انا مين يعني انا اي مكان هروحه كل اللي فيه هيخدموني بعيونهم
رأفت: مبتكلمش عن مستواك او اي حاجه بسألك هتروح فين
تامر بزهق: نازل مصر ومش عايز اشوفك تاني… شد دراعه منه واتكلم من بين سنانه: عن اذنك ورايا طياره
مريم كانت قاعده مع حمدي
حمدي: بقولك يا مريوم
مريم: نعم
حمدي: انا مسألتكيش عن صاحبتك اللي كانت هنا هي كانت هنا بتعمل ايه
مريم ضحكت: ايه اللي فكرك ده الموضوع عدي عليه كتير
حمدي: عادي افتكرتها
مريم: ابوها كان خاطفها عشان يجوزها لإبن عمها غصب عنها