ساره: لا طبعا كلامك غلط هي لازم تشوفك في اسوأ حالاتك قبل احسن حالاتك ممكن يا مصعب متصعبهاش علي نفسك
مصعب ابتسم: شكرا يا ساره بدونك مكنتش هاخد الخطوه دي
ساره بمرح: عد الجمايل بقي
مصعب ضحك: حاضر هعد… يلا سلام انا هروحلها
قفل مع ساره ودخل اخد شاور ولبس هدومه ولبس ساعته ورش برفانه كان قمه في الاناقه واخيرا استعد للنزول… ركب عربيه واتحرك علي بيت نيروز ال
الجديد لأنه كان مراقبها طول الفتره اللي فاتت.. بعد ما وصل قدام باب بيتها اخد نفس عميق ورن الجرس قامت نيروز تفتح الباب واول ما فتحته اتفاجئت: مصعب
يتبع…
قامت نيروز تفتح الباب واول ما فتحته اتفاجئت واتكلمت بمصدمه: مصعب بتعمل ايه هن… قاطعها مصعب بحضن منه… كانت واقفه مش مستوعبه حاجه ومحستش بنفسها غير وهي بتمد يدها وتحضنه وشددت عليه
مصعب بعد عنها واتكلم بضعف: نيروز
نيروز بصوت هادي ونسيت كل اللي عمله فيها: نعم
مصعب غمض عينه واخد نفس عميق وخرجه علي مراحل وفتح عينه واتكلم بهدوء ونبره ترجي: نيروز انتي بتحبيني؟!
نيروز بصت للأرض ووشها بقي لونه احمر: ايوه… يعني.. اقصد.. لا