تامر قام وقف ومسك موبايبه واتكلم بضحك وهو خارج من باب المكتب: علي رأيك ايه لازمه الكلام ده دلوقتي انت لو كنت صلحت حاجه كنت صلحتها زمان. بعد ما خرج من المكتب رجع تاني بص لأبوه: ياريت مصعب لو ميعرفش ان ابوه عايش لأن ابوه زيك بالظبط ومن معلوماتي اللي عرفتها عنه انه عاش نفس مأساتي ويمكن اكتر كان اعمي وُعــــــــآجَز كان محتاج لدعم محتاج لحد يهون عليه تعبه بكلمه حلوه او بحضن حد من اهله… انا مكنتش اعمي ولا عــــــــآجَز بس كنت ضعيف كنت محتاج لأب يقويني و حضن ام يحسسني بالامان والحب…صحيح انا
مش عايز نيروز انا مكنتش بحبها انا كنت عايزها تملك مش حب … ضحك بوجع: عن اذنك
ادهم قام وراح عند تاره اللي واقفه مع حد من زمايلها بتتكلم وتضحك اتكلم بغضب: تاره
تاره اتنفضت من مكانها: نن.. نعم
ادهم تعالي ورايا.
دخل مكتبه وهي راحت وراها وقلبها هيوقف من الخوف
وقفت قدامه وهي راسها في الارض
ادهم راح رفعلها راسها واتكلم بغضب: انتي مش نيروز قالتلك مهما يحصل اوعي توطي راسك
تاره دمعت لذكره اللي حصل في اليوم ده : طيب حضرتك جايبني هنا ليه
ادهم اخد باله من دموعها.. حاول يتمالك اعصابه عشان يوصل للنبره الهاديه: كنتي واقفه بتضحكي مع ثروت ليه
تاره: هو جيه واداني ورق وقلي اشتغله ووقف شويه معايا و..
كور ايده جامد عشان مينفجرش فيها: ها وبعدين
تاره: وقلي انتي قمر ليه ف ضحكت بمجامله… وهو قلي قمر حتي في ضحكتك… ف ضحكت وبس
ادهم زقها من طريقه وخرج برا مكتبه وراح لثروت ومسكه من ياقه هدومه واتكام بفحيح: تعرف اللي بيتمادي علي حاجه تخصني بيحصله ايه
ثروت مكنش فاهم قصده: حضرتك تقصد ايه