مصعب راح اوضته وهو في أقصي مراحل غضبه بيطلع موبايله ويرن علي أدهم
مصعب:أدهم
أدهم بآستغراب:نعم
مصعب:انا جاي الشركه وعايزك تجهزلي الورق اللي هطلبه منك دلوقتي
ادهم:حاضر
نيروز بتخرج برا الاوضه وتبص حواليها وبتتحرك في الفيلا بنشاط
مصعب وهو خارج سمع صوت كركبه في المطبخ دخل يشوف في أيه لقي نيروز فوق المطبخ وضامه نفسها من الخوف وبتحاول تمشي ألفار بالصينية اللي في إيدها
مصعب في نفسه اتكلم بتريقه:بقي دي نيروز اللي كانت بتضر’ب رجاله بشنبات خايفه تضر’ب فار
راح ناحيتها ومد ايده:يلا انزلي
نيروز بتشاورله علي الفار
مصعب بيبص للفار ويرجع يبصلها بآستهزاء :هو ده اللي خايفه منه…انجزي انزلي مش هيعملك حاجه وبعدين ده فار هامستر احنا جايبينه
نيروز هزت راسها بخوف:لا مش هنزل اول ما أنزل هيجري ورايا
مصعب مد ايده بحد ما وصلها وضمها ناحيته واتكلم بحنان:مش عايزك تخافي ياروحي طول ما انا معاكي وحتي لو انتي لوحدك مش عايزك تخافي انتي شجاعه اوي
نيروز :وانت هتسيبني لوحدي؟انا بخاف من الفار
مصعب اتنهد بتعب ودفن راسه في رقبتها واتكلم بصوت ضعيف:انا اسيب الدنيا كلها وانتي لا