جاسر :انا طالع حد عايز حاجة
روح :انا عايزة شيبسي
جاسر :اوكي وانتي ياما
زينب :مش عايزة حاجة ياحبيبي
جاسر :اوكي وصلح الجاكيت بتاعه(هو لابس تيشيرت بالأبيض وفوقه جاكيت جلد بالبني وبنطلون ابيض وكوتشي بالاسود) وطلع
روح :مش ناوية تجوزي الواد دة ولا ايه ياما
زينب بابتسامة :انا لقيتله عروسة زي القمر
روح بلهفة:مين هي اكيد نغم صح
زينب :اه صح
روح ضربت كفها بكف مامتها بضحك :بجد انا من اول يوم شوفتها وشوفت نظراته ليها عرفت انهم لبعض
زينب :اه وانا كمان لاحظت
روح فضلت تحكي مع مامتها
عند جاسر
جاسر كان قاعد في مكتبه بملل ومفيش حاجة يعملها قام قرر يطلع وراح ع شركة آسر
جاسر للسكرتيرة :فين الآنسة نغم أحمد
السكرتيرة :اه موجودة في مكتب آسر بيه عندها اجتماع شوية وبتخلص (نغم مساعدة آسر وهي بتشتغل بالنيابة عنه طول فترة غيابه)
بعد وقت
السكرتيرة : جاسر بيه ممكن تدخل
جاسر دخل وراح قعد ع الكرسي وهي كانت قاعدة في الكرسي اللي قصاده
جاسر : لايق عليكي منصب المديرة
نغم بابتسامة :بجد
جاسر بابتسامة جذابة:اه والله
نغم :شكرا طب انت عايز حاجة