آسر بغضب :لا دي عايزة إعادة تربية
كيان بصوت منخفض :حبيبي ارجوك اهدا البت متعصبة انا هكلمها وهخليها تيجي تعتذرلك
جاسر بهدوء:آسر لو سمحت خلي كيان تكلمها
زينب :وانا كمان هكلمها
آسر راح ع اوضته بغضب
وكيان وزينب راحو ع أوضة روح اللي كانت بتعيط ومكسرة اي حاجة في الاوضة
كيان راحت قعدت جنبها وزينب بالجانب التاني
كيان :روح ياحبيبتي مالك
روح حضنت كيان وهي بتعيط
كيان طبطبت عليها
كيان :إياد مزعلك (كيان وزينب عارفين بقصة إياد وزينب شافت إياد وبتعرفه وهي اللي قالت ل جاسر يتكلم مع روح ع موضوع الجواز علشان تعرف هل إياد بيحب بنتها بجد أو لا )
روح وهي بتمسح دموعها وبتبعد عن كيان:احنا انفصلنا انا نهيت كل حاجة
زينب :احسن انا اصلا مكنتش مرتاحلته
كيان :بس ليه
روح بصوت منخفض وبكاء :طلع بيضحك عليا وعايز فلوسي
كيان حضنتها وهي بتعيط معاها
زينب قامت بغضب
زينب :انا هوريك يابن هبة
واتجهت ع الباب
كيان راحتلها بسرعة
كيان :خالتي متعمليش حاجة دلوقتي لأنه آسر ممكن يعرف