نسرين/ يالهوي حيغمي عليا خلاص انا اغمي عليا
حازم / يخربيتك امال لو بوستك بجد حتلمي عليا الناس
نسرين / حازم
حازم قلب حازم وعقل حازم وروح حازم هو انا اسمي حلو قوي كده نعمين ياقلبي
نسرين / بكسوف بس بقي بدوخ والنعمة و انت لما ادوخ بجوع
حازم / فضلان بجد المهم عاوزة ايه ياحبي
نسرين / هو بجد غسان ممكن يتجوز رنا
حازم/ انتي النهارده ظبطي غسان صح معرفش انك جامدة قوي كده
متقلقيش عليها مليكة غسان بيحبها بجد غسان اول مرة يحب في حياته
نسرين/ بس ده بيشك فيها ازاي بيحبها وخائف ليكونوا لمسوها
حازم / تلاقي الحرباية لعبت في دماغي هي بتعرف تلعب صح هي اللي مربباه
صدقيني غسان لسه تحت تأثير الصدمة تخيلي تعيشي عمرك كله وانتي عارفه أن امك خاينة وباعتك وماشت
وتعرفي انهارده انها مظلومة وعمتك اللي عملت كل ده د
نسرين / يالهوي هي فوزية المفتريه هي اللي عملت كده
حازم / للاسف غير أنها اخدت كل فلوس ام غسان ليها بعد ما هددتها .. علشان كده غسان كان بيقترح أنه يتجوز رنا ويرجع فلوس امه كلها
نسرين بس غسان مش محتاج فلوس
حازم/ بس محتاج يرجع شرف أمه وسمعتها
نسرين/ و شرف مليكة ملهوش حساب كان حيتعمل فيها كده بردو
حازم / متقلقيش غسان سكوته ده علي رنا معانها أنه محضر لها مصيبه اكبر من أننا متخيلنها لأن غسان مبيسكتش عن حقه و الغريبه أنه سكت لرنا وده في حد زاده يرعب مش يخوف