لحظة نسرين نظرات رنا الشامته
بقلم نرمين قدري
نسرين /غسان بيه احنا متاخرناش علي فكرة كل الحكاية هما عشر دقايق علي بال ما مليكة اتاكدت أن لبسها تمام و علي العموم احنا مش حنضيع وقت ساعتك احنا مش حنفطر شكرا لكرم الضيافة .
حضرتك حتخلص فطارك حتلقينا في معادنا في الشغل
عن اذنكم يلا يا لوكا .
غسان / استنم عندكم هنا هو في أيه أنا مقلتش لحد ميكلش أنا بس بحب الانضباط في مواعيد
مليكة اتفضلي اشربي اللبن علشان الدوا اللي بتاخدي
وانتي يا آنسة نسرين احنا بنعرف اصول الضيافة جدا اتفضلي افطري علشان شغلك بيقعد لفترات كبيرة وعاوز تركيز
نسرين لو مكنتش تحلف مع اني مش جعانه بس مش حكسفك
غسان/ مليكة قلت اقعدي كلي و اشربي اللبن علشان الدوا
مليكة خافت تجيب عنيها في عنية لدموعها تنزل
مليكة / مليش نفس انا حروح استناك في الاستطبل عاوزة اطمن علي شهرذاد
غسان/ قلت اقعدي بقي
رنا / في ايه يا غسان قالتلك مش جعانه خلاص سبها براحتها مش ناقصين علل
نظرت لها مليكة في تحدي
مليكة / حقعد علشان خاطرك انت بس يا غسان فين اللبن انا بحبه من ايدك بيبقي ليه طعم تاني خالص
غسان مد أيده بكوب اللبن وهو مستغرب جدا من طريقه تعاملها معاه
نسرين /ايه يالوكا اللبن حلو
مليكة/ مسكر جدا مش من ايد جوزي حبيبي لازم يبقي سكر طبعا يا نسر
نسرين/ ربنا يهنيكو. يا حببتي .
لازم تأكلي كويس مش انهاردة صبحيتكم اكيد محتاجة غذا يا قلبي علشان تصدي
رنا / بغيظ هو انتي نمتي فين امبارح
نسرين / هو ايه السؤال الغريب ده في واحده عاقله تسءل عروسة انتي نمتي فين .
يعني حتكون نامت فين في حضني مثلا طبعا في حضن جوزها مش عروسة بقي وغمزتلها