سميرة/ قبل ما ساعدك في انك تتجوزها عندي شرط
غسان / خير يا حاجة اتفضلي
سميرة/ عمتك انا شفتها شكلها مش حيريح بنتي بصراحة يابني و من غير كدب انا خايف علي بنتي منها نظرتها تخوف جدا
غسان/ متخافيش انا ححط مليكة في عيني وحقفل عليها برموشي
سميرة / ربنا يصلحلكم الحال يابني
باااااك
سميرة / حضر ي نفسك علشان ساعة والماذون يوصل
مليكة/ بس انا مش عاوزة اتجوزو يا ماما
سميرة/ امال عاوزة ايه تضحكي علي الناس و تنصيبي عليهم مش بكيفك.
انتي كنتي فكرتي قبل ما تدخلي عليه بقصة مالك مسءلتيش نفسك ايه عواقب الأمور مسءلتيس نفسك ايه اللي كان ممكن يحصلك لو حد عرف انك بنت وغير كده حضرتك ماضية. علي شرط جزائي كبير
مليكة / ماما افهميني بس انا..
سميرة / انا مش عاوزة افهم انتي خلاص بقيتي واحده تانية . من امتي يا مليكة احنا بنضحك علي الناس من امتي فهميني
انا ربيتك علي كده
مليكة/ كان غصب عني واللهي يا ماما كان غصب عني كنت عاوزة اهرب باي طريقة عاوزة ابعد عن كل حاجة
نسرين/ خلاص بقي يا جماعة جو الدراما ده واللي حصل حصل.
خلاص بقي يا سوسو انتي قلبك كبير و دي بردو لوكا عمرها ما تهون عليكي
سميرة/ مش حتهون عليا طبعا دي حته من قلبي و أخدت مليكة في حضنها بس غلطتها كبيرة قوي دي نصبت وزورت
وخدعت ناس كتير غير كده هي كان ممكن تقع في مصايب اكبر
يابنتي الكدب عمره مكان حل
مليكة / خلاصن بقي يا سوسو سماح بقي علشان خاطر لوكا حبيتك
سميرة/ خلاص سامحتك يا قلب امك من جوا