عمار : عايزاكي وانتي طالعة عالسلم اكدي تبوصي وراءكي وتشوفي هتبص ليكي كيف
( بلفعل اسماء نظرت خلفها واتصدمت بنظرة اميرة الحادة لها : اعوذ بالله ايه البصة دي وليه دا كلة
عمار : سيبك منيها اني بقولك بس عشان تاخدي بالك
(((بعد كذا يوم في منزل السيوفي )))
فضل هاتف زين يرن كثير وهو كان نائم وبداءت تصحي ليلي في مش راضي يصحي نهائي فضطريت ليلي انها ترد : الو السلام عليكم
الشخص : ماشاء الله ايه الصوت الجميل دا كروان بجد يا بخته
ليلي اتوترت :مين انت يا بغل
الشخص : لسانك طويل واو يا بخته مردش هو ليه
ليلي : هو مين
الشخص : اللي نايم دلوقتي في حضنك
ليلي بعصبية :انت سافل وحقير وقليل الادب
الشخص بيضحك : بجد منا عارف اني قليل الادب بس اصبري اصبري قولي لو جوزك نهايتك قربت قوي خلي ياخد باله سلام ياللي صوتك كروان
صحي زين علي صوتها العالي لكنه ماذال لم يفوق من نومه نهائي : انتي كنتي بتزعقي ولا انا كان متهيقلي
ليلي بشرود : اه كنت بزعق
زين باستغراب : ومسكة تليفوني كنتي بتزعقي مع مين في تليفوني
ليلي بقلق : واحد الاول فضل يرن كتير جداا صحيتك مش رديت روحت رديت انا اول ما سمع صوتي فضل يغازل فيا ويقولي يا بختة وصوتك حلو وصوتك كروان وكلام سافل زيه ( زين بيسمع منها ويجز علي اسنانه وساكت عشان تكمل كلامها ) بس مش دا المهم المهم انه بيقولي قولي لجوزك نهايته قربت
زين هنا اتعصب : علي فكرة مش مهم اني نهايتي قربت خالص عادي الاعمار بايد الله ( وابتدا صوته يعلي اكتر ويتعصب اكتر
)لكن اللي مش معقول انك تردي علي حد او حد يسمع صوتك وتفضلي تحكي وتزعقي معا وهو يتغزل فيكي بتردي ليه علي تليفوني
ليلي بخوف : مهو فضل يرن كذا مرة
زين بصوت عالي جدااا : ميرن ولا يولع بجاز وسخ انتي تردي ليه وتسمحيلو يسمع حسك وتسمعي حسه
ليلي : هو شافني دا سمع صوتي
زين : ويسمع صوتك ليه من اصلة تديله فرصة ليه يسمع حسك ولا تسمعي انتي حسه انتي محدش يسمع صوتك غيري