زين : وحد الله يا بني
محمد : لا اله الا الله بس لازم امشي عشان مرتكبش جناية وانا كدا كدا هرتكبها قريب
زين بنرفزة : بلاش كلامك يا ولدي اللي ينرفز دا محمد بقولك ايه مش انت عايز امك وخيتك خدهم واتكل علي الله انت خلاص بقيت رجل وتقدر تحافظ عليهم
محمد اتغاظ : بقي كدا ماشي عداك العيب وازح يا خالي عند اذنك يالا ياما
عبير ببكاء : استني يا ولدي
محمد : اسكتي ومتبكيش لسه عايزة تتذلي ليهم اكتر لسه مشبعتيش ذل مستتيا ايه تاني تسمعي عشان تحسي وتمشي من هنا
عبير : اني قاعدة علي حس بوي وماله و داره
محمد بسخرية : حس بوكي فين حس بوكي دا دا كان زمان كان الاول لكن دلوقتي خلاص بوكي بقي ملوش لازمة هنا خالص
(((في مصر )))
رمزي : ولا يا زياد عايزين نخرج نشم هواء كدا الواحد مل
زياد : اه والله عندك حق الفترة اللي فاتت دي كنا مفحوتين في الشغل
رمزي : طيب هنروح فين
زياد : مش عارف اقترح انت كدا وريني همتك
رمزي بيغمزلة : تعالي نروح كدا حتت كباري نهيص ونزيط في وننبسط ونشوف كدا موزتين ينسونا الهم
زياد ضربه علي كتفة : انت ايه يا جدع متعرفش غير الهلس والنسوان
رمزي بيهز دماغه بنبساط : يا سلام هو في احسن من النسوان والهلس اااه يا جدع
زياد : انا مش عارف ربنا هيتوب عليك امتي من اللي انت في دا
رمزي : لما الاقي بنت الحلال اللي تستاهلني
زياد ضحك بصوته كله : هيا اللي تستاهلك دي اكيد ميه في المية هيبقي امها داعيه عليها لعامية غير كدا مظنش ابدا انها هتبقي طبيعية
رمزي : هتشوف
(((تاني يوم في منزل السيوفي )))
رعد : جاهزة يا فرحة