☘️
زياد :- لا طبعا في حاجات الواحد يبقي غشيم فيها وفي حاجة الواحد لازم يفكر بعقلة
رمزي : صح المهم نرجع لموضوعنا انت تسافر وتروح تطلبها وهيبان كل شي ان كانت عايزاك ولا لا
زياد : تفتكر اعمل كدا
رمزي : جرب بس كدا وشوف ايه هيحصل معاها
زياد : تمام هسافر بكرة الصبح باذن الله
(((في الجامعة )))
فرحة مبسوطة جدااااا دخلت سلمت علي اصدقاءها : ازيكم يا بنات
صديقتها : الحمدلله وانتي قوليلي مالك عنيكي بتضحك ومبسوطة
فرحة : قلبي طاير من الفرحه
صديقتها : ايه رعد باشا اعترفلك بحبه
فرحه : لا بس انهاردة بيتكلم معايا بطريقة مختلفة غير العادي و بيبص في عيني بطريقة غريبة حاسة مختلف جدا متغير 180 درجة
صديقتها : يارب يا بنتي يكون حس بيكي بقي دا انا تعبتلك والله
(((تاني يوم )))
في سيارة رعد وقف سيارتة علي جنب وسند راسه علي الكرسي : انا مش هلاقي زيها وهيا بتحبني وانا كمان بحبها بس
مش قادر اقولها خايف عليها خايف اظلمها اااه بس هضيع مني هفضل لامتي اخبي حبي ليها هفضل لامتي اعذب في نفسي وفيها لا لازم اخطي خطوة
(((بعد ساعة في منزل السيوفي في غرفة فرحة )))
فرحة ببكاء : لا يا ماما طبعا انا مش موافقة
ليلي بزعيق : هو ايه اللي مش موافقة دا ولد عمك ومهتلاقيش زيي ابدا و بوكي موافق عليه اصلا
فرحة ببكاء اكتر :وانا مبحبوهوش ومش عايزة اتجوزه ولا اتجوز اصلا
زين : طيب ممكن اعرف ليه
يا تري ايه اللي هيحصل وليه فرحة مش موافقة ؟؟
يتبع…