_متحاوليش تاخدي حجم أكبر من حجمك، إنتِ مُجرد حد شغال هنا.
شغال وبس
طلعت بسرعة وأنا مصدومة من كلمتة ليا ومش فاهمة هو قصدو بيها إي.
طلعت الأرشيف ال بعد ما اتأكدت انه مفيهوش حد وبدأت اقلب ف الملفات للناس ال كانو هنا وماتو وفعلًا لقيت اسم مامتة بعد ما عرفتهُ من رحاب وأنا بجاريها ف الكلام
“سعاد عبد الحكيم”
صورت الفايل على الموبيل بسرعة وطلعت قبل ما حد يأخد باله لأن مش أي حد يدخل الأرشيف دة وخصوصًا إن أنا لسا هنا جديدة ومش عاوزة اعمل شوشرة .
خلص اليوم ما بين بدخل اطمن على الحالات ولو في حالات جديدة بستقبلها لحد ما روحت البيت نمت على طول بس في نص الليل صحيت بدون مقدمات وافتكرت الورق ال مصوراه فتحتة بسرعة ع أمل اطلع ب أي معلومة تفيدني وتفيدهُ وعلى الأقل اثبت لهُ إنه غلطان
بدأت حبة حبة اقرأ الورق لحد ما لفت انتباهي انها موجودة في المستشفى تلات شهور بس مش زي ما رحاب قالت انها قعدت فترة كبيرة
ف الأول فكرت انها مأخدتش بالها واختلط عليها الأمر بس ف أخر الملف مكتوب أنها اتوفت من جلطة ع المخ مش صدمة زي ما مفهمين أحمد .
حاولت افهم الغلط فين بس الورق والأدلة كلهم ناقصين
حاجة كدة شبه البازل الشكل موجود بس المكعبات مش موجودة كاملة علشان تكمل الصورة.
فضلت صاحية لمعاد الشغل وروحت ع المستشفى على طول دخلت ل أحمد بس كان نايم بصيت على الدرج ال جمبة لقيت نوتس صغيرة فتحتها بهدوء ولقيت كلام كتير مش مفهوم زي شخبطة وكلام مكتوب ع بعضة ورسم بس ال صدمني انه كاتب اسمي وحاطط علية علامة كبيرة..
يتبع….
فضلت صاحية لمعاد الشغل وروحت ع المستشفى على طول دخلت ل أحمد بس كان نايم بصيت ع درج ال جمبة لقيت نوتس صغيرة فتحتها بهدوء ولقيت كلام كتير مش مفهوم بس ال صدمني انه كاتب اسمي وحاطط علية علامة كبيرة.
كنت واقفة مش فاهمة هو كاتب كدة لية ولية أنا بالذات ما المستشفى مليانة دكاترة وكمان من قبلي ب كتير شغالين
الف سؤال وسؤال بيدور ف دماغي لغاية ما حطيت النوتس مكانها وطلعت بهدوء.
صحيح أنا دكتورة نفسية ومعروف ف مجالنا أننا بنحل أي مشكلة وكل مشكلة بتقابلنا بس ال متعرفهوش أننا بنبقا عاجزين قدام أغلب مشاكلنا منعرفش فين الطريق الصح ال ممكن يوصلنا ويخرجنا من المتاهة ال كل فترة والتانية بندخل فيها، بس
اوقات ف متاهة بتعرف بتخلص نفسها وتنجى منها بسرعة رغم أنها اخدت شوية وقت وف متاهة تانية بتاخد وقت وعُمر على ما بتتحل.
اوقات بنعجز ونفكر إن الدُنيا خلاص بتضيع بس لو وقفنا واستسلامنا برضو عُمرنا ما هنلاقي حل، ف لازم نحاول.
استنيتة لحد ما صحى ودخلت لهُ كان قاعد ساكت ك العادة بصص للفراغ وسرحان
اتحمحت ف انتبه لي وقولت
_صباح الخير