سبت المستشفى وسبت كل حاجة فضلت ماشية لحد ما طلعت برة خالص
ماشية وأنا مش فاهمة رايحة فين ولا لية بحاول استوعب هو عاوز ينتقم لية وإي ال حصل يخلية عاوز ينتقم ب الشكل دة، ومش لشخص مُعين لا دة عاوز ينتقم من الكل حتى ال ملهوش ذنب
رجعت بسرعة ع المستشفى وأنا بدور على رحاب ف كل حتة لحد ما لقيتها ف غُرفة بتدي العلاج ل مريض
خبطت الباب ودخلت
_رحاب عاوزاكي
_ثواني ي دكتورة
خلصت ال ف إيديها وجتلي وأنا كنت واقفة برة
_خير ي دكتورة في إي !
_تعالى معايا
اخدتها ع غُرفة الأطباء
دخلت وانا قعدت ع الكرسي وطلعت من الدُرج ملف استاذ أحمد
حطيت الملف ع المكتتب وأنا بفتحة وبقول
_طيب بما إن التقارير بتقول إن أحمد عبدالمنعم مريض غُرفة 202
بقاله هنا حوالي سنتين إلا شهر مثلا
وانتِ شغالة هنا بقالك أربع سنين
كملت تقليب ف الملف وأنا بقول
_التقرير مش كامل
يعني مثلا مش مكتوب إي سبب انه يوصل للحالة دي، او مين ال بيزورة، او حتى مين الدكاترة ال بتاخد إشراف حالته على الرغم إن ال فهمته إن مسك حالتة أكتر من دكتور قبل ما أنا امسك الحالة.
_انتِ عاوزة تعرفي إي يدكتورة وأنا هقولك
ابتسمت بهدوء وأنا بقول
_ايوة كدة بهدوء و واحدة واحدة ونتفاهم
أول حاجة عاوزة اعرفها إي ال وصل أحمد ل الحالة دي ؟
بصتلي وبدأت تحكي
_أنا جيت هنا وكنت بعرف كل مريض حالتة كويس جداً وبما إننا ف مستشفي أمراض نفسية ف كل حالة كانت ليها حكاية وقصة مختلفة، بس أحمد كان غير كل ال عدو عليا
أحمد كان مهندس عندو29 سنة كان بيجي المستشفى كتير قبل ما هو يدخلها ويبقا مقيم فيها
ملامحي اتغيرت وأنا مش فاهمة هو كان بيطي لية؟
ف كملت رحاب وقالت .
_عارفة إنك مستغربة وبتسألي كان بيجي هنا لية بس أحمد كان بيجي يزور والدتة لحد ما حصل ال حصل..
يتبع….
_عارفة إنك مستغربة وبتسألي كان بيجي هنا لية بس أحمد كان بيجي يزور والدتة لحد ما حصل ال حصل
_هي مامتة كانت هنا؟
_ايوة، اخدت سنين بتتعالج بعد ما زوجها توفى
جالها صدمة ومستحملتش ف جابوها هنا علشان تتعالج وفضلت هنا فترة وكان أحمد كل يوم بيجيلها وكان متعلق بيها جداً لغاية ما جة ف مره وملقهاش.