اتلجلجت وقالت
_ أنا ؟
دة أنا جديدة هنا يدوب مليش فترة
_فترة دي ال هو قد إي يرحااابب
قالت ب إستعباط
_لا والله مش فاكرة ي دكتورة
المهم دلوقتي أنا بقول تروحي ترتاحي ف البيت والصباح رباح وأكيد الحاجة قلقانة عليكي و مينفعش تسبيها قلقانة
خلصت كلامها وهي بتبعد و بتقول
_تصبحي ع خير بقا ي دكتور
مشيت وأنا مش فاهمة إي ال بيحصل ولية أصلا !
اخدت حاجتي ومشيت، معرفش خوفت لية ادخلهُ تاني هل علشان ال عمله فيا؟
ولا كلام رحاب ال قلقني
ولا في حاجة مُعينة منعاني، دخلت اوضتي وأنا بحاول اداري نفسي من ماما قبل ما تشوف ال لازقة ال حطوهالي
دخلت كان قاعد ف نفس المكان ال دخلت لقيتة فية أول مره بس المرة دي كان بصصلي جامد مكنتش فاهمة كان بيبصلي كدة لية ع عكس المرة ال فاتت مكنش حتى مديني اهتمام انه يلتفت لي.
قربت منه وأنا بديلة الأدوية وبقول
_اتفضل، لازم تاخد ادويتك
اخدهم مني بكل هدوء وهو بيبصلي ورماهم من الشباك ال جمبهُ
اتصدمت من ال عملهُ ف اتكلم وقال
_صدقيني مش هسيبك
_أنا عملت إي ؟
_انتو السبب ف كل حاجة حصلت، انتو السبب ولازم اخد حقي منكم
قرب مني وحاول يخنقني جامدد بحاول أهرب وابعد عنه بس معرفتش …
يتبع….
دخلت كان قاعد ف نفس المكان ال دخلت لقيتة فية أول مره بس المرة دي كان بصصلي جامد مكنتش فاهمة كان بيبصلي كدة لية ع عكس المرة ال فاتت مكنش حتى مديني اهتمام انه يلتفت لي.
قربت منه وأنا بديلة الأدوية وبقول
_اتفضل، لازم تاخد ادويتك
اخدهم مني بكل هدوء وهو بيبصلي ورماهم من الشباك ال جمبهُ
اتصدمت من ال عملهُ ف اتكلم وقال
_صدقيني مش هسيبك
_أنا عملت إي ؟
_انتو السبب ف كل حاجة حصلت، انتو السبب ولازم اخد حقي منكم
قرب مني وحاول يخنقني جامدد بحاول أهرب وابعد عنه بس معرفتش.
قومت بسرعة من النوم وأنا بردد جُملة
_أنا معملتش حاجة صدقني، مش أنا مش أنا
لقيت ماما جت بسرعة من الأوضة وهي بتجري عليا وبتقول
_اهدي ي ليل ف إي مالك
بصيت حواليا لقيتني ف الأوضة بتاعتي، وعلى سريري فهمت إن دة كان حلم بس لأ دة مش حلم دة كابوس!
طبطت ع كتفي ماما وهي بتقول
_استهدي بالله وقومي صلي ركعتين قيام الليل قبل ما الفجر يأدن
بعدين سكتت شوية وهي بتبص ع ال لازقة ال محطوطة أول جبهتي وبعدين قالت
_إي دة ي ليل؟
قولت وأنا بحاول انزل شعري شوية علشان ادارية
_إي ي ماما ف إي؟
بصتلي بستغراب وقالت
_يعني إنتِ مش عارفة في إية مثلا ؟