فرح انا انا..
بهاء انتي ايه انت بتستغفليني ..
فرح بدموع مش باستغفلك بس انا مش عايزه ابقى اخلف…
بهاء ليه ..ليه ..مش عايزه ..ليه
فرح بصراخ مش عايزه .مش عايزه اجيب عيال يتمرمطوا بالدنيا دي زيي مش عايز يا بهاء..مش عايزه فيوم تسبني زي بابا مساب ماما ويكون عندي عيال يتبهدلوا بينا..
بهاء انت فاكراني اخترتك عشان اسيبك..حبيتك عشان اسيبك…
فرح….
بهاء بغضب متنطقي ردي قولي اي حاجه.. ليردف بضيق انا كنت عايز عيال منك يملووا علينا البيت.
فرح ببكاء بس انا مش عايزه..مش عايزه متفهم بقى..
بهاء بحده كان لازم تبلغيني لازم تاخدي رأي مش تستغفليني ..
فرح اقتربت منه لتقول انا والله بحبك وبموت فيك…بس مش عايزه عيال ..لو ده مضايقك..احنا ممكن نسيب بعض..عادي ..انا مش هجبرك تفضل معايا..
رمقها بنظرة ارعبتها..ليهدر بحده نسيب بعض كده بالسهولة دي..قدرتي تنطقيها انتي على كده بايعه..
فرح بتوتر بهاء انا..انا..
بهاء بهدوء مميت وملامح جامده انتي طالق..ليدفع الكرسي امامه بغضب ويغادر…وتركها تحاول ان تستوعب ماحدث..
______________
بعد مرور خمسة أيام..على الهاتف..
صقر ايوا ياحبيبتي..
فتون معلش ياسي صقر اقدر انزل اروح عند فرح منتا عارف من ساعت ما سافر بهاء وهي حابسه نفسها بالبيت..
صقر ياحبيبتي انتي حامل مينفعش تروحي لوحدك استني اجيلك بعد الظهر اخدك عندها.
فتون بتذمر والله انا كويسه اطمن ..بس قلقانه على فرح. انت عارف بتحب بهاء قد ايه..
صقر بحزن على صديقه ..مهي السبب ياحبيبتي في حد يعمل اللي عملته..
فتون بحزن معلش هو كمان كان لازم يصبر عليها شويه ..
صقر يصبر ايه .. دي واخده مانع من دون علمه ..ده عمل ناس عاقله..
فتون انت متعرفش هي عانت قد ايه بسبب بعد ابوها عنها ياخويا متظلمهاش زي بهاء ..ده حتى مكلفش روحه يسأل عليها
راح طلقها وسافر..
صقر بضيق اللي يحب بجد .بيتجرح قوي وبهاء حب بجد والجرح واجعه قوي وانا اعرف صاحبي كويس .. انا اول مره اشوفه كده كان منهار ..ومش طايق روحه..انا برأيي السفر احسن ليه ..وياعالم يمكن يرجع ..ويتصالحوا..
فتون يارب يا خويا لحسن فرح هتموت من دونه..انت كمان حاول معاه..
صقر ربنا يسهل ويهدي النفوس
فتون يارب ياسي صقر يارب انا هروحلها ماشي..
صقر بضيق ماشي بس بلغي احمد يوصلك..ان كنتي مصره.
فتون ماشي يا حبيبي اشوفك بالليل..