يسلم خاشمك ياموهجه مش زي البنت المعجدة داي اللي العلام واكل عقلها خلاص هو في أجمل من الحب وجمال الحب
ضربتها زبيدة ضربه خفيفه
يا بت فوقي إكده الحب ده بيضحك بيه على البنته الخرعه أما البنته الواعره ما تقعش فيه واصل
ردت موهجة :
إنتي بتجولي كده علشان ما حبتيش يا زبيدة جبل سابج لكن زي ما قلتلك لازمن يكون في الحلال يا نعمه
إبتسمت نعمة :
حديتك صوح بس هو بيتحدت عن حاجات كتير إشهار وإعلام ومأذون إيه كل ديه
نفخت زبيدة :
إنتي يا بت غبيه ولا اتعمل لعقلك فومين غسيل
سألتها نعمة :
ليه بجي بتجولي كده عجبك يا موهجة
وضحت زبيدة :
موهجة اتجوزت على يد مأذون وشهد أبوها وأخوها وأهل البلد واتعملها زفه يتحلف بيها ومن حجها تتحدت عن الحب أما إنتي
لسه بنت يعني التاخريف اللي بتجوليها داي مين دخلها في دماغك
نفخت نعمة :
يووووه بجى إنتي بتعجدي كل حاجه كده لييه وفيها إيه يعني لما نحب ونتحب في لندن البنته بتعيش مع حبيبها في بيت واحد من غير جواز
شهقت زبيدة وضربت على صدرها:
لاع واضح جوي إن عقلك فلسع على الآخر إحنا مالنا بلندن والبنات اللي مش متربيه اللي هناك دول ماعندهمش حيا ولا خشى وكمان دينهم غير دينا يا بت فوجي وما تخليش حد يضحك عليكي فاهمه وكفياك مرواح عند الإسطبل سمعتك بجت
تحت الأرض واللي غواكي هيرجع لندن ومش هيعبرك
نظرت لها نعمة بتحدى:
إنتي غيرانه علشان ما بصش عليكي ولا عبرك
قطعت حديثهم موهجة :
إنتي بتجولي إيه هو في بنت زي زبيدة دا كل الكفر بيتحدت عن جمالها وأخلاجها وهي عندها حق لو بيحبك صحيح يتجدم
لابوك الحج ويطلب يدك منه أما الحديت الماسخ إلى بتجوليه ديه مايدخلش في عقل عيله صغيره مش بت عندها 17 سنه
نفخت نعمة بضيق
يوووووه بجى محدش فيكم فاهميني
زبيدة : إنتي متأكدة إنه بيحبك
نعمة : إيوي وكتير كمان
زبيدة : تمام انا هثبتلك إنه بيلعب بيكي زي غيرك وإنتي حره وجتها
نعمة : ماشى
باك …
مالك هي جالتلك اكده وطبعاً إنتي صدجتيهم طيب جومي البسي هدومك وانسي إنك تعرفيني أدام بتشكي فيا
نعمة : إسمعني بس والله ما مصدجاهم مصدجاك إنت وبس اوعى تهملني زي ما بيقولوا أني ساعتها هموت نفسي
مالك مش وجته حديتك الماسخ ديه جومي يلا عاودي على الدار ساعدي أمي والحريم
نعمة حاضر يا سي مالك إنت تؤمر
قامت نعمه ولبست الجلبيه وعاودت للجصر
مالك بجى إنتي عاوزه توجعيني يابنت الجنايني كان غيرك أشطر أنا مالك صقر الجناوي اللي بنات لندن ومصر يتمنوا بس إشارة مني إنتي بجى عاوزه تثبتي إيه كان غيرك أشطر ههههههه ورجع على القصر ودخل الحمام ياخد دوش
……
زبيدة : أمي وأبوى عندهم حج أني لازمن متحدتش وياه واصل وأثبت إيه أني شوفتوا بيعمل إيه بيضحك على البنته بالكلام المعسول والحركات اللي مافهاش خشى ولا حيا لازمن أبوه العمدة يعرف ويوجفوا عند حدوا كفاية بجى بنات الكفر مش لعبه في إيديه
زبيدة حطت فازة الورد في أوضة مالك أني هعرفك إزاي تلعب على البنته بإسم الحب وهذوجك من نفس الكاس يا ابن صقر الجناوي ..
يتبع…