أشوفها جدامي مع واحد غيرى لكن أني عنيد واتجوزت أمك اللي بتكون أختها الصغيرة عشان أوجع جلبها وحطيت الكل جدام أمر واقع
مالك : ومتكلمتش معاها بعد إكده
صقر بعد ما اتولدت
………
في نفس الوقت في بيت صابحه
عتمان بص لصابحه خايفه من القصة الجديمة تتكرر
صابحه : اه ما اتمناش لبتي تعيش حياة تعيسه
عتمان : حياتك معايا كانت تعيسه شكراً يا بت الأصول
صابحه : متعيشش دور المظلوم إنت عارف وأني عارفه إني اتجوزتك غصب بعد ما أبوه هددني إنه يسجن أبوي ويشردني أني وأهلي وكان زواج على الورج لوجت طويل لحد ما إبنه اتجوز أختي بعد 5 سنين وجاب المحروس وقتها طلبت مني إني أعيش حياتى وأنساهم صوح
عتمان : صوح لكن ما جبرتكيش علي حاجه
صباحه : هو أني جلت حاجة زي اكده أني خايفة لأن الواد نسخة من أبوه وكل يوم مع وحده شكل فجأة عايز يتجوز بتي الموضوع فيه إنه
عتمان : ولا إنه ولا حاجه مدام الواد مجاش عندينا تبجى إشاعة وخلاص
صابحه: أتمنى اكده
صابحه سابت عتمان وراحت لبتها اللي سمعت كل الحديت اللي دار بين أمها وأبوها وسابتهم ودخلت أوضتها
صابحه : مالك يابنيتي وايه الدموع دي كلها بتحبيه جوي كده
زبيدة بحزن حضنت أمها : لاه ياما أني مستغربه إزاي جدرتي تعيشي إنتي وأختك في مكان واحد وهي هانم وإنتي خدامة
صابحه : كنت لازمن أحمى أهلي يابنيتي عشان مهنجدرش نجف جدام أبوه وعملها هو واتجوز من أختي الصغيره بالسر ضحك
عليها بالكلام المعسول وبعده بشهر جه وأخذ أختي وجال إنها مرته أبوي من الصدمة مات بحسرته
زبيدة : هو ماكانش زواج عند مأذون ياما
صباحه : أكيد طبعاً عند مأذون لكن اتجوزت من ورانا كنت عاجزه للمرة التانية ولما أختي ولدت مالك أني كنت معاها وماسبتهاش
فلاش باك
وردة : إنتي يا صابحه ياأختي معايا هنه رغم أني أخدت منك الإنسان اللي بتحبيه
صابحه : ما تقوليش إكده ديه جوزك وبس وديه إبنك بلاش نجلب في الجديم مفهوم
وردة : يعني مسمحاني ياختي أني عارفه إني كنت أنانيه لكن ماتنسيش أني كنت مرسال الغرام مبيناتكم وكنت بوصل جوبات مابينكم وبسبب كلام الحب اللي كنت بقراه وقعت في حبه أني كمان
وكمان أني ماوصلتش آخر جواب منك ليه واللي إنتي كنتي كاتبة فيه سرع الموضوع أبوك مصمم يجوزني لواحد تاني
صابحه : كل شيء جسمة ونصيب ولو ليا نصيب معاه كنت معاه دلوقيت
صابحه شالت الولد هتسميه إيه
وردة سميه إنتي ياختي عشان أصدج إنك سامحتني
صابحه : مالك مصممه على الحديت المساخ ديه