و ام احمد خلصت الصلاه وطلعتلهم وباقي العيله طلعت علي الصوت
احمد حط فيروز علي السرير وجاب علبه الاسعافات وبقا يدهنلها رجليها بالمرهم وفيروز بتعيط
احمد:هشش خلاص اهدي خلصنا اهو
فيروز بخوف وبكاء:رجلي بقا شكلها وحش صح
احمد بحنيه:يعمري انت حلوه في اي حاجه انت مكانك في القلب يا فيروزه قلبي
فيروز اتكسفت
ام احمد:الف سلامه عليكي يبنتي ،كده تخضينا عليكي
فيروز بكسوف:معلش يما
ام اكرم بلويه بوز وهمس بس بصوت مسموع:وهيستحملها علي ايه ديه برجليها المشوهه دي
فيروز سمعتها ودمعت
واحمد قال بعصبيه:خالتي مسمحلكيش تتكلمي عن مراتي كده
ام اكرم:يوه هو انا قولت حاجه انا بقول الحقيقه الله!
ام احمد بعصبيه:ما خلاص يا سعديه مش لازم الكلام الكتير بعدين انا مرات ابني ما يعبهلش حاجه
ام اكرم بابتسامه مصطنعه: ايوه طبعا
ام احمد لفيروز:هنزل انا دلوقتي يبنتي علشان هتصل بالسباك علشان السباكه بايظه لو عوزتي حاطه ناديني
فيروز:حاضر يما
ام احمد:مش ناويه تنزلي معايا يا ام اكرم
ام اكرم بغضب مكتوم:اكيد نازله
ونزلوا هما الاتنين
احمد قرب من فيروز
احمد:كنا بنقول ايه قبل ما امي تنداهلك
فيروز بتوتر: ها ..مش فاكره
احمد بخبث:بس انا فاكر ،ومحدش هيقدر يمنعني
قرب منها جامد وقربها عليه وعينيه علي شفيفها
وو
ام احمد من تحت: احمد تعال اقف مع السباك علشان مفيش حد تحت
احمد وهو بيخبط علي راسه وبينزل:يخربيتها دي شغلانه
وفيروز بتضحك
تحت
احمد:ايه ياما مش عارف استفرد بمراتي
ام احمد:اقف مع السباك الاول
احمد بغيظ:هو لحق يجي
ام احمد:لا ده اشرف ابن عمك مجدي اتصل بيه ونزلت لقيته تحت
احمد بغيظ :يعني هو جي يتصل بيه دلوقتي ربنا يسامحك يا اشرف يا ابن مجدي امييين ياررررب
احمد راح وقف مع السباك وام احمد طلعت تطمن علي فيروز
ام احمد:فيروز يبنتي عامله ايه دلوقت
فيروز بابتسامه:الحمد لله كويسه يما
ام احمد بابتسامه:دايما يبنتي،انا كنت عيزاكي بكلمه
فيروز باستغراب:اتفضلي يما؟
ام احمد:بصي يبتي انا عيزاكي تلبسي حجات من بتوع العرايس دول لاحمد حاكم ام اكرم عاوزه تاخد الواد احمد لبنتها هدي
فيروز بغيره:والله!! احمد ميقدرش يتجوز غيري
ام احمد:انا عارفه يبتي بس عوزاه ميشوفش غيرك يكون ملهوف بيكي