انجي بعد ما سمعت الخبر اغمي عليها و وجية كان معاها علي الفون
وجية بقلق… الو يا مدام الو
عمار بقلق….. بابا باين عليها اغمي عليها تعالي نروح ليها
وجية بتردد….. مش هينفع متنساش دي واحده ارملة وبنتها مش موجوده واحنا ممكن نجبلها الكلام
عمار بقلق… طيب ناخد نور بدل ما يكون حصل ليها حاجه علشان خاطري
وجية بضيق.. طيب يلا خليها تجهز
عمار… حاضر
خرج بسرعة وقال لاخته…. نور قومي البسي بسرعة
نور بقلق…. ليه في حاجه
عمار بسرعة…. مش لازم تسألي يلا عايزك خمس دقايق و تكوني جهزتي
وخرج بدون كلام
اما هي جهزت ولبست بسرعة ونزلت ليهم وهي قلقانة
نور بقلق… ممكن افهم في اية
وجية بهدوء… مفيش هنروح مشوار سوا يلا
خرجوا كلهم
وجية بهدوء… عمر جهزت العربية
عمر بهدوء… العربية جاهزة
وجية… طيب يلا حرك العربية
عمر ركب و جنبه وجية و ركبت ورا نور وعمار
وطلعوا علي حارة حورية
وبعد مرور بعض الوقت وصلوا عند البيت وعمار نزل هو ونور وجية
وطلعوا فوق.
وخبطوا علي الباب كتير ولكن لا رد.
الجيران فتحوا الباب وقالوا… في اية يا جماعة
وجية بهدوء… احنا قرايب المدام انجي و جايين نطمن عليها و عرفنا انها تعبانة و قلقانين يكون حصل ليها حاجه
… بس هي كويسة محدش عرف انها تعبانة
عمار بتوتر… احنا كلمنها و كانت تعبانة جداً
… طيب انا معايا مفتاح كانت سايبه ليا هدخل اجيبه
و فعلا دخلت جابت المفتاح بسرعة و فتحت الباب و دخلت و شافت انجي مرمية علي الارض مغمي عليها
وجية اول ما شافها اتصدم انها هي نفس اللي شغاله معه في الشركة
عمار شالها و حطها علي الكنبة وجية طلع تلفونه و اتصل علي الدكتور الخاص باسرته وطلب منه يجي بسرعة
وفعلا خلال نص ساعة وصل الدكتور
وعمار دخل انجي اوضتها و كانت الست جارتها معاها و كمان نور اول ما الدكتور دخل خرج عمار و فضل واقف مع وجية بره الغرفة
حتي خرج الطبيب
وجية بهدوء.. ها يا دكتور حالتها اية
الدكتور… هي ضغطها ارتفع بسبب صدمة اخدتها
وسببتلها اغماء هي هتفوق كمان شوية
وجية حاسبه وقال… شكرا يا دكتور تعبناك
الدكتور… تعب اية يا وجية بيه مفيش تعب ولا حاجه
وجية نظر له بابتسامة والدكتور خرج
وجية بضيق…. عمار انا محروج افضل هنا بدون اي حق.
عمار بدموع… يعني نسيبها كدة يا بابا
وجية بضيق.. طيب خليك انت ونور هنا وانا همشي منظري وحش وانا راجل واقف في بيت ست ارملة و محدش يعرفني انا همشي وهبقي معاك علي تواصل
عمار بدموع… طيب
وجية بضيق… مع السلامه
عمار…. مع السلامه
خرج وجية وهو مصدوم ان انجي تبقي ام حبيبة ابنه
ركب العربية وقال لعمر… اطلع يا بني
.،.،.،.،.،،..،.،.،..،.،
اما عمار جلس برة جارتها خرجت من الاوضة و قالت… معلش يا ولاد انا لازم امشي علشان جوزي زمانه جاي خليكوا انتم معاها بس هي البت حورية فين
نور بإبتسامة… ولا يهمك يا انطي احنا قاعدين معاها
الست نظرت لها باستغراب.
عمار اتكلم… ولا يهمك يا طنط
الست…محدش قال حورية فين
عمار اتكلم بتوتر…حورية عاملة حادثة بسيطة و محجوزه في المستشفى علشان كدة طنط انجي تعبت
الست بقلق… ربنا يشفيها يابني البت و امها يعني عليكي يا انجي مع السلامه وبكرة هاجي اطمن عليها
عمار… تنوري
وخرجت الست اما نور اضايقت وقالت.. هتفهمني في اية ولا انا هفضل زي الاطرش في الزفة
عمار بتنهد… هقولك
..،.،.،.،.،.،..،.،.،.،.،،.،.،.،
في صباح يوم جديد في بيت انجي كان عمار نايم هو ونور علي كنب البيت
وصحيوا علي صياح انجي و بكاهأ
عمار و نور دخلوا ليها الاوضة وشافوها منها و تبكي بعنف وتقول…. بنتي حورية