معتز.. كله تمام بس مش. هيخرج من الشركه غير لما الشغل اللي وراه يخلص
اكمل ابتسم… برافو عليك هو ده معتز اللي انا عارفه عايزة يتحمل المسؤليه يا معتز
معتز ابتسم… متشلش هم يا فندم. كله هيبقي زي ما حضرتك تحب
اكمل… انا واثق يا معتز فيك يلا اشوفك بكرة
معتز بهدوء….. اتفضل يا فندم
اكمل خرج
ومعتز دخل مكتبه اما ايهم كان يحاول يخلص الملفات في الوقت المحدد
وبعد ساعتين وبقت الساعه السابعة مساءً
معتز بهدوء… خلصت
ايهم بتوتر.. فضلي شوية
شاف الملفات الكتيرة اللي قدامه وقال… اربع ساعات كمان ممكن علشان تخلص يا ايهم بيه
ايهم بتوتر وتعب.. حضرتك انا خلصت عشرين ملف في اتناشر ساعة وكل ملف في ما يعادل 150 ورقة وبسجلهم
علي الكمبيوتر
معتز بهدوء… ده ما يهمنيش متروحش غير لما تخلص الشغل ده ولو فكرت تمشي قبل ما تخلص الورق ساعتها هتندم المكتب والشركة كلها كاميرات سامع
ايهم بتعب… بس انا تعبت
معتز بهدوء… مش. مشكلتي يا ايهم. اجي الصبح القي الشغل موجود وجاهز مهما مشيت متاخر من الشركة اجي
القيك في معادك الساعه سابعة الصبح ولو اتاخرت هتلقي شغلك مضعف سامع
ايهم بتعب ودموع…. حاضر يا فندم حاضر
معتز خرج اما ايهم ايده كانت بتوجعه من كتر الكتابة عليها
.،.،.،.،.،..،.،.
خرجت حورية مع عمار ولسه عمار هيشاور لتاكسي
حورية برتباك.. عمار
عمار بهدوء.. نعم
حورية برتباك… مش. هينفع توصلني بعد كده
عمار بضيق… ليه بقي ان شاءلله
حورية بحزن… ماما حلفتني اني مركبش معاك واجي. لوحدي. بعد كدة علشان الناس ما تتكلمش علينا وانا وعدتها
بده ومش هقدر اخالف وعدي يا عمار
عمار بهدوء… طيب هركب التاكسي بس.
وشار لتاكسي وهي ابتسمت لتفهمه
وركبت التاكسي وهو ركب واحد تاني وروح علي بيته
.،..،.،.،..،.،.،…،
في الساعة الحادي عشر
اعلن تلفون حورية رسالة من تليفونها رسالة ماسنجر من نفس الشخص اللي ارسل ليها المساء
فتحت الرسالة وشافت محتوها… قلبي داب من رؤيتك وحبك اشتعل في قلبي لم اعد اره غيرك يا حبي الاول و الاخير يا من نبض له قلبي بدون استاذن احبك يا اجمل ما في الكون لو في يوم تبدليني مشاعري وحبي
واحساسي يا ملكة علي عرش قلبي اريد حبك اريد فرصة يا ملكة عرش قلبي احبك
العاشق المجهول
حورية بصدمة.. انا عملتله حظر بعتلي من اكونت تاني معني كدة اني انا المقصودة طيب مين ده.
حورية ارسلت له… انت مين بظبط
.،.،.،.،.،.،..،،.،.،.،.،.،.
في الشركه بعد ست ساعات وتعدت الساعة الواحدة مساء قام ايهم وهو يبكي بعد ما خلص شغله كله وكان تعبان اوي وايديه حاسس انه اتشل من كتر الكتابة خرج والامن كان عنده علم انه موجود فوق
وخرج وفضل مستني تاكسي ولكن. مفيش حد ماشي في الوقت المتاخر ده بعد نص ساعة من الانتظار اخد
المشوار مشي واخد ساعة لغاية ما وصل البيت وكانت شاهندا تنتظره في البلكونة وشافت حالته والتعب والارهاق اللي علي وجهه.
شاهندا بضعف ودموع… حبيبي تعالى اتاخرت كدة ليه قلبي كان هيقف مني يا ايهم
ايهم بتعب والدموع عالقه في عيونه… عايز انام مش عايز اي كلام ولا اسئلة انام وبس
شاهندا اخدته غرفته وراحت تطلع هدوم ليه هو نام علي السرير وحتي لم يخلع الحذاء من رجله
شاهندا قلعته الجزمة من رجله وخرجت و كانت حزينة علي حالة ابنها
.،..،.،.،.،..،.، ،
هنا ينتهي البارت يا تري مين اللي بيبعت الرسايل دي لحورية
وهل معاملة اكمل لايهم صحيحة ولا لاء مستنية ارائكم
يتبع…..