وهوصلك بردوه
حورية بدموع…. مفيش داعي تتعب نفسك معايا
بيجاد ابتسم… تعبك راحة بنسبة ليا يا حوريه يلا
حورية خجلت من كلمته ولم تقدر علي الاعتراض وبيجاد مشي جنبها وركبوا الاتنين تاكسي هو جنب السواق وهي ورا لغاية ما وصلها الحارة بتاعتها
هو قال للسواق… وصلني في مكان ما ركبت
السواق… تؤامر يا باشا
بيجاد اتصل علي وجية
وجية في البيت استغراب من مكالمة بيجاد
وجية بهدوء… الو
بيجاد بهدوء… ازاي حضرتك يا فندم بعتذر لو اتصلت في معاد غير مناسب
وجية بهدوء… لا ولا يهمك في حاجه ولا اية
بيجاد بهدوء… انا طردت ايهم وضربته
وجية بصدمة… ليه
بيجاد ابتداء يحكي ليه كل اللي حصل ووجيه اتصدم واتكسف من اللي عمله ايهم وانه في وشه
وجية بحدة.. كويس انك عملت كده وانا ليا كلام مع ابوه اقفل انت دلوقتي يا بيجاد
بيجاد… تمام مع السلامه
وجية.. مع السلامه
وقفل بغضب
واتصل باكمل اللي رد وكان هو كمان متعصب وحاول يرد بهدوء… الو يا وجية
وجية بغضب… شوفت يا اكمل ابنك حراجني مع الموظفين اللي عندي. كان ممكن يبوظ سمعة شركتي
اكمل بصدمة… في اية تاني عمل اية سي زفت
وجية بغضب.. اتهجم علي واحده في الاسانسير و با*سها ولما رفضت ضربها وشد شعرها في قلب الاسانسير ابنك فضحني في الشركة
اكمل بكسرة… مش عارف اقولك اية يا وجية انا اسف اني خليته يشغل عندك انا اسف يا وجية وقدك اعتذاري
للبنت وانا هربية الحقير ده من الاول
وجية بضيق… اتمني يا اكمل تربيه انت وشاهندا بدل الخيابه اللي هو فيه مع السلامه
وجيه قفل السكة وهو بغضب واكمل كان محروج ومكسور من عمايل ابنه
شاهندا بخوف… وجية قالك اية
اكمل بغضب قالها علي اللي عمله ابنها
شاهندا بدفع عن ابنها….. يمكن البنت دي هي اللي اتقربت منه وحاولت ولما رفض اتبليت عليه
اكمل بغضب.. اخرسي وغوري من وشي يلا
شاهندا قامت من جنبه بسرعه
ولسه هتطلع سمعت الباب بيفتح
وشهقت لما شافت ايهم وهو مضروب
نزلت بسرعة والدموع في عيونها وقالت…حبيبي مين المتوحش اللي عمل فيك كدة
ولكن اكمل مسك ايديها وزقها وكانت هتقع علي الارض ولكن مسكت في الكنبة
اكمل بغضب…. ضربه اول قلم ثم الثاني ثم الثالث ثم الرابع وضربه اكثر من عشر صفعات وايهم كان مسالم جدا وعيونه تلمع بوجع
اكمل بقهر… حرام عليك ياريتك كنت موت ولا انك جيت علي الدنيا كسرتني وفضحتني وخلتني قدام صحب عمري مش قادر اتكلم ومش هقدر احط عيني في عينه بعد اللي انت عملته اول مرة وجيه يتكلم معايا بالمنظر ده ويكلمني بصيغه الاحتقار دي منك لله يا ايهم قلبي غضبان عليك
كان يجلس في غرفته ودموعه تنزل منه بقهر اتهان من الكل والده و بيجاد وحورية حتي عمار اتهان منه وريهام التي اعلنت انها تركته لانه خاين كل الناس اهانه اذا كان علي السوشيال ميديا او اللي حصل له في الشركة وفي البيت
الباب الغرفة خبط
ايهم مردش علي اللي بيخبط
الباب اتفتح ودخلت شاهندا بحزن علي ابنها و فلذه كبدها
شاهندا بحزن…. ايهم حبيبي جبتلك الاكل
ايهم لم. يداري دموعه الذي تنزل منه
شاهندا بدموع… حبيبي بابا مكنش يقصد اللي قاله ولا اللي عامله هو عايز مصلحتك ولو زعلان علشان ريهام
سابتك انا هتكلم معاها وهخليها ترجع ليك صدقني
ايهم وهو دموعه تنزل…. انا مش عايز ريهام اصلا مش فارقة معايا بالعكس هي كانت مجرد واحدة بتسلي بيها مش اكتر
شاهندا بحزن… طيب يا حبيبي روق بس كدة و كُل
ايهم بدموع…. مليش نفس يا ماما
شاهندا بحزن…. حبيبي لازم تاكل واهدي شوية الاكل ملهوش علاقة بالحزن يا قلبي خليك فاهم ده
ايهم بدموع… لو سمحتي متضغطيش عليا سبيني انا مش عايز اكل
شاهندا بحزن…. طيب يا حبيبي عايزة اسال سؤال انت فعلا اتعرضت للبنت في الاسانسير ولا هي اللي اتبلت عليك
ايهم نظر لشاهندا وقال…. لا انا فعلاً عملت كدة هي ما اتبلتش عليا
شاهندا بضيق… طيب ليه كدة يا حبيبي بس وملقتش غير شركة عمك وجيه اللي تعمل فيها كدة وبعدين البنت دي بنت مين
ايهم بضيق.. بنت فقيرة.
شاهندا بغضب… بنت فقيرة كانت السبب انك تضرب من ابوك ومن الزفت اللي اسمه بيجاد
وان عمك وجيه يهين ابوك علشانها
ايهم بضيق… هما مش شايفيين فقيرة او غنية هما شايفينها بنت اتعرضت لتحرش