انجي ترجعت بخوف… ايه
وجية ابتسم ابتسامه مداريه علي منظرها الخائف…. نفس اللي كان هيحصل بس المرة الجاية مش. هتقدري تضربيني
انجي بصدمة… انت بجد وقح انا ماشية و مش هتشوف وشي تاني
وجية ابتسم ومسك ايديها ونظر لها ابتسامة كلها شر… شوفي يا انجي متحوليش تخرجي وجية اللي مش متربي معاكي
خليني محترم يلا قوليلي هنتجوز امتي خلصيني انا مفضلش اخطط و ادبر وفي النهاية تقوليلي مش هتشوف وشي تاني اخلصي
انجي بصدمة…. جواز ايه انت بتقول ايه هو احنا عيال سيب ايدي
وجية بابتسامة شر… اه عيال وانا بحبك و انتي بتحبيني فين المشكله
انجي بصدمة… عمار وحورية و نور كل دول تقدر تقولي هنوجهم ازاي
وجية ابتسم ابتسامه خبيثه…. يعني بتحبني و بتشوفي هنوجههم ازاي قولي يلا انك بتحبني واخلصي و خلصيني معاكي قولي الصراحة
انجي ابتسمت بخجل… طيب اعترف ان مشاعر اتحركت
وجية ابتسم ابتسامه واسعه ولكن لم تدوم
اتحركت شوية ناحيتك
وجية بغل.. شوية
انجي بتوتر… ايوة
وجية بعصبية… انتي هتستعبطي اية شوية دي
انجي بخوف… اللي يريحك يا وجية اعتبره
وجية بعصبية.. قولي تاني يلا وحاجة كويسة علشان متعصبيش عليكي
انجي بتوتر… بعترف ان اعجبت بيك
وجية خبط علي المكتب بغل ووقال… يعني من مشاعرك اللي تحركت شوية لاعجاب انتي عايزة تجلطيني صح انا واحد جالي جلطة مرتين مش ناقص فاهمة و داخل علي جواز مش ناقصة وعكة صحية انطقي اقولك اتكلمي بدون مقدمات فاهمة
انجي بتوتر وخجل……. طيب انا يعني انا
وجية بغيظ… ما تخلصي يا ست انجي
انجي غمضت عينيها بتوتر وخجل وقالت بسرعة…. انا بحبك
وجية غصب عنه ابتسم وحس ان قلبه كانه نبض من جديد كان في توتر كان نفسه ياخدها في حضنه في الوقت ده ولكن عارف ان تصرف زي ده هيجننها ومش هتتقبله
وجية ابتسم لما لقها لسه مغمضه عينها… لو مفتحتيش هيحصل حاجه هموت و اعملها
فتحت بسرعة ووجها كان احمر من الخجل
وجية بابتسامة كلها حب… ها هنتجوز امتي
انجي بتوتر.. والعيال
وجية بنفس الابتسامة… مالهم
انجي بتوتر… هيوافقوا
وجية بابتسامة… وهما هيرفضوا ليه
انجي بتوتر…. معرفش بس اكيد مش سهل يتقبلوا ده.
وجية بابتسامة… سبيها عليا المهم نتجوز امتي
انجي بتوتر… وجية اجل شوية لو سمحت علي الاقل يكون عدي وقت علي جواز عمار وحورية مباقش ليهم تلات شهور لو
سمحت بعدين نتكلم معاهم انت مع ولادك وانا مع حورية لو سمحت
وجيه اتنهد بضيق….. معنديش حل تاني غير اني انفذ رغبتك
انجي ابتسمت بخجل… شكرا انا لازم امشي دلوقتي
مع السلامه
ومشيت بسرعة من امامه وهو ابتسم براحة وسعادة كبيرة في قلبه
ومن وقتها خرجوا سوا كتير و بيتكلموا في التلفون كمان ولحد اخر موقف بتاع خالد وتقدمه ليها
ده كدة فلاش باك للاحداث الماضية اللي تخص وجية و انجي
يتبع…..
في صباح يوم جديد كان يقف وجية في غرفته يرتشف القهوة وهو مبتسم ويتذكر ملامح انجي بحب
فاق علي سرحانة علي دخول عمار المفاجئ
وجية بحدة…. ولا ايه الداخلة دي مش تخبط
عمار بمشاكسة.. ايه بس يا وجية مالك اتخضيت كنت بتعمل ايه بقي يا شقي كنت بتكلم حماتي مش كفاية مكالمات بعد
الساعة 12 يا شقي
وجية قرب منه بحدة وقال… تعرف يا عمار الكلب لو مبطلتش حركاتك دي هتزعل
عمار ابتسم بمشاكسة…. طيب اية مش كفاية خطوبة لغاية كدة مش ناويين علي كتب الكتاب بقي
وجية بابتسامة…. ده اللي كنت عايز اكلمك فيه
عمار ابتسم…. طيب ها اختارتوا المعاد
وجية بابتسامة…. لسه هي هتكلم حورية وانا عايز اتكلم مع نور كمان
عمار بابتسامة… طيب دي خطوة حلوة جدا هتكلمها امتي
وجية بهدوء… عايز اتكلم معاها انهاردة بسقلقان من رد فعلها تفتكر هتوافق ولا هترفض
عمار بهدوء…. مش عارف بصراحة بس لو رفضت انا ممكن اتكلم معاها واقنعها بس انت ابدا واتكلم وخد خطوة وبلاش مماطلة
وجية بهدوء…. تمام هي في اوضتها
عمار بابتسامة… اه في اوضتها
وجية يتنهد بهدوء وقال… طيب انا هروح اتكلم معاها
عمار بابتسامة… ربنا معاك
ذهب وجية بقلق من ردة فعل ابنته
خبط علي الباب بهدوء..
نور بهدوء… اتفضل
دخل وجية بابتسامة وقال بهدوء… ازيك يا حبيبتي
نور بابتسامة… الحمدلله يابابا ازيك
وجية جلس بجانبها علي السرير وقال بابتسامة… انا كويس ها عاملة اية في الدراسة