الحسابات لو تقدري تجي و تشتغلي معانا في الشركة حتي لو مش عاوزة تكملي تبقي فترة مؤقته لغاية ما اجيب ناس عندهم. خبرة لاني مش عاوز حد من حديث التخرج ها قولتي واكيد لو وافقتي انا مش. هنسي. ليكي الجميل ده ابدا
انجي بتوتر وهي بتحاول تفكر ترد بايه و لا تعمل ايه
وجية بحزن بعد ما طولت في الرد… خلاص مفيش داعي تتعبي نفسك انا هتصرف
انجي بسرعة قالت.. لا ابدا مفيش حاجه هجهز وهاجي
وجية بنبره فرح مقدرش يتحكم فيها… بجد
انجي استغربت.. ايوه
وجية تحكم في نفسه وقال… متشكر جدا يا انجي بجد انتي جميلك ده. مش. هنسي اول ما توصلي الشركة اطلعي علي
مكتبي الاول
تمام مع السلامه
انجي باستغراب….. مع السلامه
قفل الخط وهو بيبتسم بفرح وبعد قال… ولله وبقيت مراهق يا وجية معملتش كدة وانت شاب هتعمل كدة وانت شايب
……….
اما انجي جلست بضيق.. مش هنخلص بقي بس مهما كان ده حمي بنتي لتزم اقف جنبه وكفاية اللي هو وعمار عملوا علشان حورية هقوم اجهز بسرعة
وفعلا لبست هدومها وجهزت وخرجت من باب شقتها شافت ام محمود
ام محمود باستغراب… علي فين الصبح كدة
انجي بضيق…. رايحة الشغل يا ستي
ام محمود… الا مش انتي سبتيه
انجي بهدوء…. كلموني في الشركه وطلبوني فترة علشان في عجز في الموظفين
ام محمود بابتسامة… ربنا معاكي يا حبيبتي
انجي بإبتسامة… ومعاكي يلا اشوفك علي خير مع السلامه
ام محمود… مع السلامه خدي بالك من نفسك
نزلت انجي بإبتسامة علي الصحبة الطيبة وصديقتها العزيزة
ركبت تاكسي بسرعة يوصلها لغاية الشركة
وبعد مرور نص ساعه نزلت بهدوء و ركبت الاسانسير بقلق و طلعت علي الدور اللي فيه مكتب وجية وصلت المكتب و السكرتيرة دي كانت جديدة غير اللي سافتها قبل كدة كانت ترتدي لبس مكشوف جدا
انجي بهدوء… عندي معاد مع وجية بيه
السكرتيرة بتكبر…. ها اسمك ايه
انجي بضيق من اسلوبها…. مش متسجل المعاد يا انسة ادخلي قوليله ان انجي بره
السكرتيرة بتكبر… سوري مينفعش
انجي بضيق… هو ايه اللي مينفعش هو اللي طلبني اخلصي متضيعيش وقتي
السكرتيرة ببرود… وللهي دي القوانين
انجي نظرت لها بغل وفنحت تلفونها و اتصلت علي وجية
وجية شاف رقمها ابتسم وقال.. الو
انجي بضيق… ياريت تقول للسكيرتيرة تدخلني من ساعتها عمالة اقولها ان في معاد مش عاوزه تدخلني اقولها انك طلبتني مفيش فايدة
لسه هتكمل كلامها شافت وجيه فتح باب المكتب و السكرتيرة قامت وقفت بتوتر
وجية بهدوء… اتفضلي ادخلي
انجي نظرت لها بسخرية و دخلت المكتب ووجية قرب من السكرتيرة بحدة وقال… مش قالتلك في معاد معايا مش بتفهمي ولا اية
السكرتيرة بتوتر… انا اسفة اوي يا فندم مقصدش
اخر مرة
وجية نظر لها بحدة وقال… هي فعلا هتبقي اخر مرة لان لو ده اتكرر تاني هيكون اخر يوم ليكي في الشغل
ودخل وسابها كانت تجلس انجي علي كرسي المكتب بهدوء
وجية بهدوء…تعالي يا انجي علي التربيزة
قاما انجي وهو فتح الباب وشافت تربيزة كبيرة جدا موجودة قاعة للاجتماعات
دخلت باستغراب
وجية بهدوء… اتفضلي
جلست علي الكرسي اللي جنبه وهو تراس راس التربيزة
وشافت انجي ملفات كتيرة نظرت بتوتر ليها وقالت في سرها.. ينهار اسود لو الملفات دي كلها عايزة مراجعة دي تبقي مصيبة
وجية قال بابتسامة… انا اولا بشكرك علي مجيتك وثانيا علشان متستغربيش الملفات دي هنرجعها واحدة واحدة سوا بش مش كلهم يعني هنشوف انهارده هنخلص قد ايه انا عارف اني هتعبك معايا الفترة دي بس اعذريني
انجي ابتسامة غصب عنها وقالت… لا ابدا مفيش تعب ولا حاجه نبدا
وجية ابتسم… نبدا
ومسكوا الاتنين ملف وابتدوا يراجعوا اللي فيه و وجية يختلس النظرات من ورا انجي التي تنظر في الملف بهتمام.
عده ساعة اتنين وهما الاتنين صامتين
وجية في نفسه… اعمل ايه دلوقتي بقالنا ساعتين قاعدين خرصين ومتكلمناش ولا كلمة
وجية حمحم بهدوء… انا بقول ناخد بريك شوية نرتاح
انجي كانت تعبت جدا من القاعدة وقالت بتعب… فعلا
وجية انتبه علي تعبها وقال بقلق.. لو تعبتي تقدري تروحي
انجي اتكلمت بهدوء يعكس التعب الذي في جسدها.. لا ابدا انا بس رقبتي و جعتني شوية
وجية ابتسم بهدوء وقال… تحبي تشربي ايه
انجي بهدوء… لا مفيش داعي
وجية ابتسم….قوليلي بس تشربي ايه ولا اختارلك انا
انجي ابتسمت بهدوء….خلاص شاي
وجية ابتسم…. اوك
وجية ضغط علي الجرس اللي علي التربيزه و دخلت السكرتيرة بسرعة وقالت… نعم يا فندم