بالسلامة
انجي بابتسامة… طيب ممكن شاي
وجية بهدوء… سامية
خرجت الخادمة بهدوء.. واحد شاي واحد قهوة هتشربي حاجه يانور
نور بابتسامة.. كابتشينو
نور بابتسامة… تعرفي يا انطي ان حورية هي وعمار كانوا عايزين يعملونا مفاجأة بس بابا خرابها عليهم واتصل بيهم وهما في مصر وطبعا المفاجأة باظت واحنا دلوقتي اللي عاملين المفاجاة ليهم
انجي بإبتسامة… يوصلوا بالسلامة حورية وحشتني جدا
نور بابتسامة… حضرتك قعدة حاليا في الشقة لوحدي مش. بتعملي حاجه
انجي بإبتسامة… بصي هو مش بظبط يعني يعني انا قدامي جيران بقعد معاهم وهما يجوا يقعدوا معايا انا اساعدهم في شغل البيت وهما يجوا يساعدوني بما ان حورية كانت هي اللي بتعمل ليا كل حاجه علشان كنت بشتغل الاول و نفضل طول
ما احنا شغالين نرغي ولو حد من الجيران تعبان بنروح نزوره و نخدمه و نشوف طلباته ولو حالتها حارجة ومحتاجة حد يبات معاها انا بما اني لوحدي بفضل معاها لتاني يوم
ويجي بليل نقف في البلكونات و نتكلم و الوقت بيضيع يدوب بدخل انام
نور باستغراب… ومفيش مقابل للبهدله دي. انتم كدة بتتبهدله زي الممرضين بظبط متزعليش مني يا انطي
انجي بابتسامة… هقولك مفيش مقابل واحنا مش بنفكر في مقابل لان اللي بنعمله ده بالحب كدة
ست كبيرة مثلا عايشة ولوحدها وولادها متجوزين وجوزها متوفي ومحتاجة حد يراعيها واحنا جيران من زمان واجب علينا اننا
نساعدها زي امنا بظبط اللي بيميزنا اننا مش بندور علي مقابل لو الناس عرفت تحب بعضها الحياة هتبقي اجمل من كدة بكتير لا هيبقي في طمع ولا جشع ولا الجرايم اللي بتحصل زمان كان الناس كلها بتحب بعضها دلوقتي في الجيل المهبب بتاع التلفونات ده خرب الدنيا كل واحد مشغول في الفون اللي معه لا فارق معه امه اخته اي حد احنا بقي خلينا حارتنا دي مميزة
عن باقي الشوارع والحارات اللي موجوده بحبنا لبعض وبدون مقابل
نور بابتسامة.. بجد حاجه جميلة جداً حورية بتعمل زيك
انجي بضحكة… حورية من الجيل المهبب بتاعكم
نور و وجية ضحكوا وجية كان يتاملها و يتامل كلامها والحب اللي ظاهر واحترمه ليها كتر عن الاول بكتير
………………
في بيت مهاب كانت مريم تقف في المطبخ وانس بيلعب علي الارض في الصالون ومهاب كان نايم
مريم جهزت الاكل وكل حاجه
مريم ياستغراب.. هو في اية الساعة تلاته وهو لغاية دلوقتي مصحاش ادخل انا اصحيه
ذهبت باتجاه غرفته وخبطت ولكن لا رد
مريم باستغراب.. معقول نومه تقيل لدرجة
فتحت الباب وشافته ينام و السماعة باذنه لم يسمع دقات الباب
مديت ايديها و شالت السماعة من ودنه و قالت بهدوء… مهاب يا مهاب اصحي
مهاب فتح عنيه بهدوء… صباح الخير
مريم بسخرية… قول مساء الخير الساعة تلاته يا مهاب
مهاب باستغراب… تلاته معقول
مسك تلفونه ونظر للساعة بصدمة
مريم بابتسامة.. قوم قوم الاكل جهز
مهاب بهدوء.. طيب هاخد شاور وهاجي
مريم بابتسامة.. اوك مستنياك هجهز السفرة علي ما تخلص
مهاب هز راسه بهدوء وبعدما خرجت ابتسم…. معقول اليوم الوحيد اللي انام فيه مرتاح افضل لساعة تلاته نايم الحمدلله
قام مهاب واخد ملابسه ليه بسرعة و ذهب باتجاه الحمام لياخد شاور
بعد مرور عشر دقايق كانت السفرة جاهزة و انس يجلس بجانب ولدته ومهاب خرج وهو يرتدي ترينج اسود
جلس علي السفرة وقال بابتسامة… مساء الخير يا انس
انس كان يبتسم…… مساء الخير
مهاب بابتسامة.. يلا كلوا
انس بابتسامة وسؤال بريئ… هو احنا هنفضل هنا كتير يا انكل مش هنرجع بيتنا
مهاب ابتسم وقرب منه وشاله وحطه علي رجله وقال.. انت مضايق من القعدة معايا هنا
انس بابتسامة بريئة….لا بس انا بحب اوضتي و بيتنا
مهاب ابتسم… طيب ما ده كمان بيتك بس انا ضيف قاعد معاكم هنا وعلشان اخد بالي منك ومن. ماما ونفضل عايشين سوا علي طول
انس بابتسامة.. ماما قالتي انك اتجوزتها واننا هنفضل عايشيين هنا علي طول ومش هنرجع بيتنا
مهاب ابتسم… ايوه بس لو انت مضايق او الشقة هنا مش عجباك احنا ممكن نجيب شقة تانية غير دي و غير بتاعة ماما
واحدة علي زوقك و ممكن كمان نجبلك اوضة جميلة زيك كدة تبقي ليك ها اية رايك
انس وهو يضع اصابعه علي شفتيه بتفكر…… لا خلاص حلوة الشقة هنا بس انا عايز اوضة غير دي انا بحب انام لوحدي والاوضة دي كبيرة جدا وسريرها كبير وبيخوفني
مهاب ضحك بهدوء.. حاضر هننزل ننقي اجمل سرير ليك يا انس بيه
يلا اقعد كل
كانت مريم تجلس بابتسامة وهي تري ابنها وهو مبتسم وهادي
ابتدا وياكلوا في جو اسري مفتقدينه هما الاتنين
وبعد الاكل
مريم بهدوء… مهاب عايزين نجيب البس والحاجة من الشقة
مهاب ابتسم… طيب يلا ننزل نجيبهم و نيجي
مريم بهدوء… طيب هقوم اغير هدومي واجي
كانت ترتدي مريم قميص من بتوعه وسع جدا وعليه شورت جينز واسع عليها ولكن رابطه بحزام