انا بقول استني احسن بس لو استنيت مش هشوفها وهما اللي هيروحوا
وجية انت عايز اصلا تشوفها ليه ايه شغل المراهقين اللي بقيت فيه من يوم ما زفت مراد كلمك اعمل اية ياربي اعمل ايه.
هتصل بيها.
وجية بابتسامة وخد نفس عميق. ورن علي رقمها كانت تقف في المطبخ شافت رقم وجية
ردت بهدوء… الو السلام عليكم
وجية بابتسامة.. عليكم السلام يا مدام انجي
انجي بستغراب.. اهلا بحضرتك
وجية بابتسامة….. كنت بعرفك ان عمار وحورية رجعوا وجايين في الطريق وانا كنت حابب نتلم كلنا علي سفرة واحدة انهاردة وانتي تتطمني علي حورية وهي هتفرح جدا لما تشوفك موجودة وهتبقي مفاجأة جميله ليها
انجي بدموع.. حورية رجعت بس انا كلمتها الصبح وهي مقلتش حاجه
وجية بابتسامة.. هما كانوا ناويين يعملوها مفاجأة بس انا عرفت وهما حاليا في الطريق وقدمهم ساعه و يوصلوا اتمني تشرفينا هنا
انجي بفرح من رجوع ابنتها وقالت… هجهز بس ممكن تقولي العنوان
وجية بابتسامة… مفيش داعي انا هبعتلك حد من السواقين يجيبك لغاية هنا
انجي بإبتسامة… شكرا مفيش داعي قولي العنوان.وانا هاجي
وجية بابتسامة… مفيش موصلات بتدخل هنا كتير علشان كدة بقولك هبعتلك السواق يجيبك ويجي
انجي بإبتسامة… تمام شكرا مع السلامه
وجية بابتسامة.. مع السلامه
قفل وجية بابتسامة علي وجهه وقال.. كنت هتقولي هاجيبك انا يخربيتك يا وجية
اتصل علي تلفون الكتروني.
عمر خلي حمدي السواق يطلع علي العنوان ****** الدور التاني يجيب مدام انجي ويجبها هنا
عمر بهدوء… امرك يا فندم
وجية ابتسامته اتمحت لما افتكر. نور.
طلع بسرعة علي اوضتها وقال بهدوء… نور يا نور
نور قامت بتعب.. اية يابابا
وجية بابتسامة.. حبيبتي عمار جاي هو وحورية انهاردة
نور ابتسمت بفرح… بجد
وجية بابتسامة.. ايوة انا كنت عاوز اطلب منك طلب اتمني تساعديني فيه
نور بابتسامة.. اية هو
وجية بابتسامة.. متجبيش سيرة اللي حصل لماما قدامهم حبيبتي اخوكي عريس حرام ننكد عليه وهو لسه راجع
نور بحزن… امال هنقوله اية يا بابا
وجية بابتسامة… هنقوله مسافرة ماما دايما بتحب السفر وهي مسافرة حاليا ومكنتش تعرف انه جاي
وطنط انجي. ماما حورية كمان جاية
نور ابتسمت.. تعرف انا بحبها جدا بحب حبها لحورية علي الرغم اني بحب ماما جدا ولكن بحب طنط انجي قلبها طيب وحنينة جدا وحورية زيها اخويا محظوظ جدا بيها
وجية بابتسامة… فعلا يلا قومي اجهزي بقي علشان انا خليت الخدم. يجهزوا كل حاجه عمار بيحبها
نور بابتسامة.. حاضر
وجية خرج ونزل تحت عند الخدم ونبهه عليهم. محدش يجيب سيرة اللي حصل
واكد علي الحرس كمان
وفضل مستني نصف ساعة وانجي جات وكانت ترتدي لبس شيك علشان سهر متتكلمش نص كلمة و متقللش منها ولا من بنتها
خبطت علي الباب وجية قام بهدوء فتح وهي كانت علي وجهها ابتسامة ونور قامت وعلي وجهها ابتسامة
وجية بابتسامة… اهلا يا مدام انجي اتفضلي
انجي بإبتسامة… اهلا هما لسه مجوش
وجية بابتسامة.. لسه
انجي بإبتسامة.. ازيك يانور
نور بابتسامة… الحمدلله ازي حضرتك
انجي بإبتسامة.. بخير
نور بابتسامة.. اتفضلي يا انطي
انجي دخلت معاها وجلسوا في الصالون
نور بابتسامة… حضرتك تحبي تشربي اية
انجي بإبتسامة… ولا حاجه يا حبيبتي شكرا
وجية بابتسامة…. يعني تدخلي البيت و متشربيش حاجه هما قدامهم نص ساعة ويجوا نشرب حاجه علي ما يوصلوا