حورية ركبت كالعادة وحطت دماغها علي الشباك
ونزلت في المكان المعتاد و شافت المكان اللي انضرب فيه عمار وغصب عنها افتكرت وضحكت علي منظره
وصلت الكلية وقعدت في الكافيريا لغاية معاد المحاضرة بتاعتها معاد محاضرتها بعد ساعة
وبعد نصف ساعة
شافت اللي قعد علي الكرسي اللي قدامها وجهه وارم جدا وكان عمار
عمار بمشاكسة… انا جيت ركبت المكروباص ومشفتكيش كالعادة جيتي بدري علشان منركبش جنب بعض انا علي فكرة ما حسبتكيش علي اللي حصلي بسببك
حورية بضيق والدموع تلمع في عيونها…. لو سمحت انا مش فايقة ليك
عمار اتكلم بجدية لما حس ان في حاجة قال بهدوء… في حاجه
حورية بضيق والدموع تزيد مكنتش عايزة تضعف قصاده…. وانت مالك ابعد عني
عمار بهدوء… لا ومش هقوم من هنا غير لما اعرف في اية مش يمكن اقدر اساعدك قوليلي ويمكن احللك الموضوع اللي مضايقك
حورية بسخرية… وانت بقي اللي عندك 19 سنه هتساعدني ابعد عني لو سمحت
عمار بجدية….. مش هاخد علي كلامك ممكن بس تقوليلي في اية واوعدك لو محلتش الموضوع مش هضايقك ولا اكلمك تاني
حورية مش عارفة ليه اتكلمت وحاست بالامان من نظراته ليها حورية اتكلمت وبعض الدمعات نزلت من عيونها وهي تحكي بوجع وانها لو ملقتش شغل هي والدتها هتطرد من الشقة
عمار نظر لها بعد ما خلصت وقال بهدوء..
طيب بصي في شركة بتاخد كل سنه طلاب من كلية تجارة وانا الشركة دي اسمع عنها وكان صديق ليا كان في كلية تجارة وراح التدريب ده وكانوا بيدوا فلوس ده غير ان لو اثبتي نفسك بتتثبتي في الشركة ومرتبك هيكون اكبر كمان وانا ممكن اكلمه واعرف العنوان والتفاصيل منه واقولك
حورية بصدمه وفرح… بجد يا عمار
عمار غمز ليها وقال بمشاكسة… انتي كمان حافظة اسمي اعترفي اني شاغل بالك انا عارف اني شاب جذاب ووسيم والبنات كلها هتموت عليا
حورية بتحاول تهدي علشان متضيعش الفرصة الشغل عليها…. انت متعصبنيش وبعدين مشوفتش بنت واحدة من
اللي هتموت عليك
عمار ابتسم بمشاكسة… ما انتي موجودة
حورية بغضب… تصدق انا مش عايزة اي حاجه تجي من وشك
حورية لسه هتقوم مسك ايدها وقال… خلاص اقسم بالله ما هتكلم اقعدي بقي.
حورية قعدت وقالت بجدية… ياريت تحترم نفسك شوية ممكن
عمار ابتسم… خلاص بقي ما يبقاش قلبك اسود
مش هتقوليلي علي اسمك بقي بقالي كام يوم عارفك وانتي لغاية دلوقتي مقولتليش اسمك
حورية بهدوء.. حورية
عمار ابتسم…. اسم علي. مسمي يا اجمل حورية شافتها عنيا
حورية بخجل ووجهها احمر وقالت.. انا غلطانة اني لسه قاعدة معاك وقامت بغضب وسابته ومشيت علي المحاضرة اما هو ابتسم
ولكن ابتسامته اختفت فجاة ياتري ليه
يتبع…..