حورية بابتسامة حب….. ربنا ما يحرمني منك ابدا
عمار بابتسامة…. ربنا يرزقني باجمل وردتين من زهرة جميله
حورية حضنته بحب وقالت بتمني…. يارب يارب
سندت راسها علي صدره مرة اخره وهم يتحركون علي الاغنية
وبعدما انتهت كانوا يرقصون ولم ينتبه ان الموسيقي انتهت
لقوا سكوت في القاعة عمار فتح عينه بهدوء وابتسم لما شافها في حضنه وكانت في حالة الهيام اللي هو كان فيها خبط علي كتفها وهي فاقت وشافت الناس تنظر لهم و يضحكون
اتكسفت جدا
عمار اخدها وجلسوا في الكوشة وكانوا بيدندنوا سوا كلمات الاغنية من جديد
والدجي شغل اغاني تانية والمعازيم ابتدت يرحوا يرقصوا.
وجية كان يقف مع انجي وقال بهدوء… بعتذر عن اللي سهر عملته
انجي بهدوء…. كلامها ميهمنيش و نسيته مش دي اللي انا اديها اكتر من حجمها
وجية استغربت اسلوبها وانها مش هممها انها بتتكلم عن مراته كدة… هو انتي مش واخده بالك ان انتي بتتكلمي عن مراتي
انجي بإبتسامة باردة.. لا ياوجية بييه واخده بالي اوي انها مرات سيدتك بس مش علشان انت ناس اغنياء وكبار في البلد اني هسمح ان انا او بنتي تتهان وانا مغلطتش فيها بالعكس. انا لاخر لحظه كنت محترمة معاها وافضل كدة لان انا اتربيت علي الاحترام و الذوق غير المدام
وجية لسه هيرد سمع صوت حد بيقول…. ازيك يا جوجو
وجية نظر لها بحدة شديدة. وقال… انتي اية اللي جابك هنا يابت
اسيل قربت ببرود ونظرت لانجي من فوق لتحت…. عيب عليك يا جوجو
وجية قال بغضب وصوت واطي….. اقسم بالله يا اسيل الكلب لو نطقتي الاسم ده تاني لكون مندمك وانتي طبعا عارفه ازاي
اسيل ببرود وهي تنظر لانجي… ازيك يا انجي
انجي باستغراب… الحمدلله بعد اذنكم
اسيل ببرود…. تؤ تؤ تؤ تؤ مش تتعرفي الاول عليا
انجي باستغراب… انتي مين
اسيل ببرود…. انا مين هقولك انا اسيل يوسف الشناوي مرات احمد حامد السيد جوز سيدتك
انجي ابتسمت بعدم تصديق… انتي مين
وجية بغضب… غوري من هنا
انجي بعدم تصديق.. استني انت انتي قولتي مين
اسيل ابتسمت ببرود… انا ضرتك وام ابن جوزك احمد حامد ابو بنتك اقولها بتفسير تاني لو تحبي
انجي عيونها اتجمعت الدموع بيها وقالت وهي لا تري بصورة جيدة بسبب الدموع… انتي كذابة احمد مستحيل يكون عمل كدة انتي كذابة
اسيل ببرود طلعت من شنطتها قسيمة زوج مسجلة في الشهر العقاري وقالت… شوفي اهو يا ستي علشان متقوليش اني كذابة
انجي مدت ايديها وخدت الورقة وهي ايديها بترتعش ورات ما هو يثبت صحة كلامها دموعها غصب عنها نزلت وهي الميكاج
اللي كانت حاطه تحت عينيها بالدموع اختلط بيها انجي كانت تنظر للورقه بعدم تصديق مكنتش مصدقة اللي شايفه عينيها
اسيل ببرود… انا قولت كفاية لغاية كدة ولازم تعرفي ان كويس اني سبتك تعيشي معه انتي وبنتك ومخربتش حياتك و خدته منك
انجي نظرت للتاريخ الزواج وكانت تتحدث و الدموع تنزل من عينها بكسره… انا الاولي سبتهولي
اسيل ببرود… هو
وجية بغضب شد القسيمة من ايد انجي وقال بغضب… لو مخرجتيش من هنا حالا يا اسيل اقسم بالله لندمك وانهاردة قبل بكرة وابنك ومعتز هندمك
اسيل فهمت اللي بيلمح ليه وقالت ببرود… ماشي يا وجية انا ماشية
وخدت الورقة منه ومشيت انجي كانت تنظر للفراغ
وجية نظر لها بتعاطف وقال… انجي
انجي بدموع تنزل بقهر.. هي. دي مش اخت مراتك
وجية هز راسه بحزن
انجي بدموع… وانتم كنتم عارفين ان احمد يبقي جوزي و متجوزها اكيد كنتم عارفين طيب شاهندا قتلته ليه لما هو يبقي جوز اختها انت مش بتتكلم ليه رد
وجية بحزن… بلاش نتكلم دلوقتي خليها بعد ما الفرح يخلص بلاش نخرب فرحتهم امسحي دموعك واوعدك بعد الفرح هحكيلك
كل حاجه
انجي نظرت لبنتها اللي كانت فرحانة وتركت وجية بدون كلام وتوجهت للحمام ونظرت للمرايا وكانت تبكي بوجع شديد. والكحل لتخ وجهها
كانت تبكي وهي تجلس علي الارضية بقهر وبتقول… طب انا قصرت معاك في اية علشان تعمل كدة انا عمري ما قصرت في حاجه من ناحيتك انا كنت باجي علي نفسي علشانك استحملت اهانة امك ليا طول الوقت علشان بحبك
ورخامة مراتات اخواتك و ابوك وتحكماته علشانك قصرت في اية انا مش مصدقه وجاية انهارده تتكلم معقول
انجي حست ان الدنيا بتلف بيها
انجي ببكاء…. اه اه هو ميستهلش خدعني وكسرني ليه ليه
فضلت عشر دقايق تبكي ثم رفعت عينيها وقالت
…. كفاية ميستهلش تكسري فرحة بنتك وتكسريها في يوم زي ده قومي يلا
قامت علي الارضية وفتحت الحنفية و غسلت وجهها و نشفته وخرجت
ورات بنتها تجلس بجانب عمار و الفرحة علي وجهها
وجية كان يقف بجانب عمار وقال… عمار يلا كفايه كده علشان تلحقوا الطيارة وتلحقوا توصلوا المطار
عمار بابتسامة… طيب يلا يا حورية
حورية قامت بفرح وانجي راحت ليها وحورية استغربت وجهها ولدتها اللي كان المكياج اتشال من عليه… ماما انتي مسحتي الميكب ليه
انجي دارت دموعها وقالت… اصل دخل في عيني حرقها علشان كدة غسلت وشي
حورية بقلق… بس في حاجه تانية
انجي بدموع… كفاية انك هتبعدي عني شهر يا حورية ومش هقدر اشوفك
حورية بحزن… فراقك صعب بس انا هكلمك كل يوم فيديو كول
انجي بدموع… هستناكي اوعي تنسي تكلميني
حورية بابتسامة… مستحيل
انجي بدموع… واول ما توصلي الفندق كلميني
حورية بابتسامة… حاضر
وجية بابتسامة… يلا يا ولاد السواق بره يلا توصلوا بالسلامة
حورية حضنت ولدتها اللي بكت من فراق ابنتها وعلي خيانه زوجها وحبيب القلب.
حورية بحزن… لو عيطتي تاني هقولك مش رايحة في حتة
انجي بدموع… لا لاء انا بس دي دموع الفرح
ومسحت دموعها بالمنديل وجية اللي كان عارف هي بتبكي بسبب اية بظبط
خرجت حورية وعمار وهما مسكين في ايد بعض