في صباح يوم جديد صحيت حورية بدري عن معادها او هي ما نمتش اصلا بسبب موضوع البيت والشغل لبست وجهزت وكانت لسه مامتها نايمة خرجت من الشقة ونزلت تحت
وزياد شافها قرب منها بابتسامة وقال… صباح الورد والياسمين على اجمل عيون
close
حورية نظرت له بغضب شديد ومشيت وهو استغراب هي فعلا دايما بتكلمه باسلوب وحش بس عمرها ما نظرت نظرة الكره دي ابدا مسك ايديها وقال… اقفي هنا كلميني اية النظرة دي
حورية زقته وبعدته عنها وقالت بحدة… اسمع بقي انت والست الوالده والوالد انا مش هسمح لاحد انه يهين امي او
ينزل كرامتها وقال لست الوالده برده ان الايجار هيدفع و هدهلكم علي الجزمة وتاني مرة اوعي تلمسني ولا تحاول توقفني انت سامع و لا لاء غور من وشي
ومشيت وسابته وهي مضايقة منه ومن اهله
اما هو اتصدم ومكنش عارف امه عملت اية
.،.،.،.،..،.،.،.،.،..،،.،.،