ريهام كانت عصبيتها باينه عليها ولكن مقدرتش تتكلم
اما كاميليا نظرتها كانت علي مهاب
بعد ربع ساعة مهاب وصلهم للفيلا بتاعتهم
ونزلوا ريهام دخلت البيت بسرعة بدون ما تسلم علي حد
كاميليا… ما تيجي تتفضلوا شوية عندنا
شاهندا بإبتسامة…. معلش حبيبتي تتعوض
كاميليا بإبتسامة…. زي ما تحبي وروقي
شاهندا بإبتسامة…. ان شآء الله باي
كاميليا… باي شاهندا باي مهاب
مهاب بهدوء…. باي مدام شاهندا
كاميليا…. مع السلامه
مهاب اخد العربية وطلع وقال… هو اية اللي حصل
شاهندا بضيق… واحده من المعزيم الحفلة اتريقت علي سهر علشان ابنها دخل كلية حكومي وسهر مشيت
مضايقة جدا لانها ضحكتهم عليها
مهاب بهدوء… الموضوع مش مستاهل تديله اهمية اكبر من حجمة
شاهندا بغضب… اها انت هتقولي يا مهاب بيه ادي اية اهمية واية لا ولا اية
مهاب باحراج… انا مقصدش يا ماما انا اقصد
شاهندا بضيق… خلاص لو سمحت اسكت ووصلني علي البيت بسرعة
مهاب اضايق جدا وطلع بالعربية باقصي سرعة وشاهندا صرخت وقالت… انت مجنون انت عايز تموتني
مهاب وقف قدام البيت… انزلي لو سمحتي
شاهندا بغضب… لما يجي ابوك ليا كلام تاني معه
ونزلت من العربية بغضب اما مهاب طلع بسرعة بالعربية
.،.،،..،،..،.،.،،،.،..،.،،.،..،..،،.،.
في بيت حورية كانت تجلس والدتها وتحكي لها وتقول بحزن…. جت الست ام زياد وقالت ليا ان لو الايجار المتاخر مدفعش خلال الشهر ده هترمينا في الشارع هي وجوزها وحتي العفش هياخدوه وهانتني وزعقتلي يا حورية
حورية بدموع…. انسانة مشفتش تربية طيب والعمل يا ماما هنعمل اية
انجي بدموع… عيب يا حورية ما تقوليش كدة دي ست كبيرة ميصحش
انجي بدموع… و انا لما حاولت اشتغل مقدرتش بسبب ضهري وكانوا بيطردوني بسبب اني مش قادرة اشوف شغلي صح بسبب وجع ضهري
حورية بدموع… انا هشتغل
انجي بدموع… انتي مش حمل شغل يا حورية انتي غلبانة يا بنتي مش بتاعة بهدلة
حورية بدموع… لا يا ماما انا من بكرة بعد الكلية هروح ادور علي شغل وبعدين انا كبرت مش هفضل قاعدة في البيت علي طول
انجي بخوف… بس
حورية بهدوء… متقلقيش يا ماما انا هكون كويسة خليكي فاكرة انك مخلفة راجل وعمر ما حد ممكن يتعرض ليا لاني ساعتها هقف في وشه
انجي حضنتها قالت… ربنا يخليكي ليا يارب ويحفظك
حورية… و يخليكي ياماما انا هدخل انام دلوقتي علشان اصحي بدري الصبح
انجي بهدوء… ماشي يا حبيتي
حورية دخلت الغرفة وارتمت علي السرير وهي تبكي وبعد ربع ساعة قامت
ومسكت قلم ودفترة تكتب فيه كل ما تريد