وقبلها قبله خفيفة
شاهندا بإبتسامة خبث… خلاص هعملها احسن معاملة ميهمنيش غير مصلحة جوزي حبيبي و ابني
هو اداك الموافقة بتاعة ست الحسن و الجمال امبارح مش كدة
اكمل ابتسم… ايوة يا حبيبتي قالي انها موافقة و الخطوبة و كتب الكتاب الاسبوع الجاي
شاهندا ابتسمت بخبث… طيب لو كدة اروح اجهز نفسي و اشوف مرات ابني العزيزة تلبس اية ما هي يايتيمة و مفيش حد يهتم بيها
اكمل ضحك وقال.. كدة فهمتيني يا قلبي
شاهندا ابتسمت…. طول. عمري بفهمك يا قلبي يلا باي
اكمل بإبتسامة.. باي
…………………….
في مكان خارج البلد
كانت تجلس سيدة في الاربعين من عمرها و هي تبكي و تقول… وحشتني يا حبيبي سامحني انا السبب في اللي حصلك انا السبب حرمتك من حياتك بس انا وعدتك و عدت نفسي اني مستحيل اتجوز و احد تاني غيرك انتي حبي الاول و الاخير وعمري ما هخون الوعد ده
………….
ياتري مين الست دي و اية حكايتها
………………..
في البيت عند حورية كانت اتحسنت عن الاول و كان دعم والدتها و عمار مقويها و بيديها طاقة تكمل
انجي بهدوء…. حورية
حورية بهدوء… نعم يا ماما
انجي ابتسمت… انا بقترح عليكي يعني اكلم عمامك يجوا يتعرفوا علي عمار و عيلته
حورية بضيق… لا
انجي بهدوء.. ليه يا حبيبتي
حورية بغضب… انتي نسيتي ولا اية يا ماما مش دول اللي اول ما ابويا مات فصو ملح وداب لا و كمان اكلوا حق ابويا في ورث
ابوهم و امهم و لا حتي كانوا بيسالوا احنا الناس عارفيين اننا مقطوعين من شجرة وهنفضل كدة لاخر يوم في عمري معنديش اعمام
انجي بحزن… زي ما تحبي يا بنتي انا قولت اقترح عليكي وعلشان محدش يغلطني اني معرفتهمش
حورية بغل. ….. وقت ما يتكلموا انا اللي هرد عليهم يا امي متشغليش دماغك بيهم
انجي بهدوء… حاضر يا حورية في موضوع تاني شغلني
حورية باستغراب.. موضوع اية
انجي بهدوء…. والده عمار مجتش و مش داخل عليا حكاية مسافرة دي
حورية بخوف… تفتكري مش موافقة عليا علشان مش من مستواهم
انجي طبطبت عليها و قالت بهدوء… كله بيبان يا بنتي كله هيبان
حورية بقلق وخوف… طيب ولو طلع تخمنا صح هنعمل اية
انجي بهدوء…. مش هتتجوزي عمار يا حورية متنسيش ان خالته كانت السبب في موت ابوكي وانا مش عارف هي ممكن تعمل اية فيكي و بعدين مدخلكيش علي واحدة كرهاكي و مش موافقة عليكي هتبهدلك يا حبيبتي
حورية بدموع… بس انا بحبه يا ماما
انجي بهدوء…… ربنا يعمل اللي فيه الخير واللي ربنا عايزه هيكون يا بنتي يلا تعالي نعمل الاكل سوا
حورية هزت راسها والدموع في عيونها تحكي الكثير من الوجع والضيق
…….،. .،.،،..،.،،.،..،.،.،.،.
بعد مرور ثلاث ساعات
كانت نور تسمع صراخ والدها وغضبه الشديد و صوت تكسير شديد كان يحطم غرفته
نور برعب اتصلت علي عمار وقالت… الو ععمار الحق بابا بيكسر في اوضته بيصرخ جامد
عمار بقلق.. انا جاي انا قريب من الفيلا خمس دقايق و هكون هنا
نور بدموع.. طيب
قفلت وفضلت مستنية اخوها يجي و بعد مرور خمس دقايق دخل عمار وهو بيجري وسمع صوت التكسير و صراخ والده
عمار طلع بسرعة وخبط علي الباب وكان و راه نور
عمار بقلق… بابا في اية افتح
وجية بغضب…. غور من وشي انت كمان غور
عمار بحزن… مالك بس عمرك ما كنت منفعل بالطريقة دي بس افتح و نتكلم مع بعض زي ما متعودين
وجية بغضب كسر ازاز المراية وقال… قولتلك غور من وشي مش عايز اتكلم مع حد سبني لوحدي مش بتفهم
عمار زعل جدا وقال… حاضر
ودخل اوضته اما نور خافت وجية يتعصب عليها دخلت اوضتها
عمار في غرفته… ماله ده عمري ما شوفته بالمنظر ده
تلفونه رن واول ما شاف المتصل ابتسم بحب و فتح الخط و قال… ازيك يا قلبي
حورية بخجل… ازيك يا عمار