الممرضة بعطف…. مفيش شكر اتمني توصلي بالسلامة لاهلك وحد ينجدك من المتخلف اللي متجوزه
ولكن الصدمة لما سمعوا صوت
المتخلف وراكي اهو وانا هخرب بيتك واخر يوم شغل ليكي هنا
حورية ارتعبت بشدة و جسمها ارتعش
بيجاد قرب بعنف من الممرضة وقال… انا هوريكي
واخر يوم ليكي هنا
الممرضة ارتعبت وعيطت
حورية عيطت وقالت… خلاص علشان خاطر ربنا ابوس ايديك سيبها انا اللي طلبت منها خلاص هروح معاك علشان خاطري يا بيجاد
بيجاد قرب من حورية اول لما عيطت وطبط عليها وقال بحب… متخفيش يا حورية مش هعمل حاجه علشان انتي عايزة كدة
وبص للممرضة وقال بعنف…. غوري من هنا
الممرضة مشيت بخوف من المختل هذا اما هو نزل علي ركبته وقال بدموع… سامحيني يا حورية اقسم بالله بحبك ومش بحب. غيرك نفسي بس تبدليني مشاعري يا حورية انا هتعالج علشانك وبكرة حياتنا هتتغير وحتي معدتش هلمسك غير لما
اتعالج علشان متتأذيش سامحيني ارجوكي
حورية بعيط… مش فارقة اسامحك او لا انت دمرت حياتي و خربتها انت اناني و مش بتحب غير نفسك وبس يا بيجاد بيه كنت الراجل الحد والعملي والراجل المحترم في نظري بس بعد كدة بقيت في نظري اقل شئ انا خلاص الموت عندي اهون من اني ابدلك نفس المشاعر
انت مش عايزني جنبك و خلاص انا جنبك اصلا مش هقدر اهرب ولو هربت هرجع لاهلي بفضيحة اني مش بنت واتجوزت و الناس مش هتقول اتخطفت الناس هتقول هربت مع واحد واتجوزته من ورا امها واللي يقول كان عشقها واللي يقول كانت بتقابله واسمع بدل الكلمة الف كلمة تموتني انا حياتي انتهت يا بيجاد انتهت يا بيجاد يلا نروح يلا
بيجاد كانت الدموع تلمع في عيونه ولسه هيحط ايده تحت رجليها علشان يشيلها لكن بعدته بنفور وقالت.. متلمسنيش
بيجاد مسح دموعه و هز راسه وقال… حاضر
واخدها للعربية وحاولت تتقبل لمسته علشان تطلع العربية
وطلعت وهي تكتم المها
وبيجاد ركب وطلع
وهو ماشي بالعربية حورية سائلته
حورية بالم….. انت عرفت منين اني كنت ههرب
بيجاد بحزن… كنت مواقف واحد قدام المستشفى الباب الرئيسي والباب الخلفي وهو كلمني وقالي
حورية هزت راسها بتعب وسكتت.
وهو اخدها للبيت
………………..
اما بيجاد كان يتذكر ذكرياته كالعادة ولكن خطرت في باله اليوم اللي راح لحورية البيت علشان عرف
من بيجاد انها بتحب حد تاني
عمار بصدمة… بيجاد. ما هو كمان كان بيحبها ليه ميكونش خطفها مش اعضاء لان لو اعضاء كان زمانه ميته وسمعنا عنها لكن هي مش باينه اصلا و بيجاد قال انه بيحبها طيب طيب ممكن هو انا لازم اتاكد بس لو سألته هينكر ومستحيل يقول الحقيقة
انا لازم ارقبه و اكيد هوصل لحاجة ولو هو هيبان
،..،.،.،.،.،.،..،.،.،.،.،..،.،.،
في المستشفى مهاب دخل العمليات بسرعة واتصلوا باهله اللي جم باسرع ما يمكن وكانت شاهندا تبكي
وبعد مرور ساعة خرجت الطبيبة وقالت بهدوء… الحمدلله ربنا ستر عنده كسر في الركبة و في ايده اليمين وهنعمل اشعة علي العمود الفقري علشان نشوف لو ضهره اتأثر بحاجة
شاهندا ببكاء… يعني كويس
الطبيبة… هو كويس و مفيهوش حاجه اكتر من اللي قولتها
شاهندا تبكي…. طيب ممكن نشوفه
الطبيبة….هو حاليا هيتم نقله لغرفة العناية المركزة علشان نطمن اكتر علي صحته تقدروا تروحوا لان مش هينفع حاليا تشوفوا
اكمل بحزن… شكرا يا دكتورة
وايهم كان يقف مداري عنهم
اكمل بحزن… مقليش انه جاي مصر ابدا
شاهندا ببكاء… ابني يا اكمل مش. هقدر اعيش من غيره
اكمل حضنها وقال… طيب ممكن تهدي وهو هيبقي كويس سامعني مهاب قوي وهيبقي كويس
،.،.،..،.،.،.،.،.،.،..،.،.،.،.،.
في صباح يوم جديد نزل بيجاد شغله كالعادة
و بعد عدد ساعات العمل كان يجلس عمار في عربية قديمة الشكل ويلبس زي فقير جدا ومدري وجهه
وفضل ماشي وراه من غير ما يحس لحد ماشافه وقف قدام عمارة سكنية ونزل من عربيته
و طلع العمارة
وعمار كان عارف ان دي العمارة اللي عايش فيها
فضل واقف مستني وقال… انا مش ماشي غير لما اتأكد
،..،،..،.،..،.،..،.،.،..،،،.،.،.،