لان دي بنتي الوحيدة و مستحيل اقبل ان ياخدها وآحد علشان يقهرها و يبهدلها و يحزنها معه وانت فاهمني طبعا يا ايهم
ايهم بتوتر…طبعا يا فندم وانا بطلت كل الحاجات دي من اقبل ما افكر في الجواز اصلا
يونس بغرور…طيب انا هحطك تحت الاختبار ست شهور قدرت تثبت نفسك و تثبت انك مش الشاب الطايش بتاع زمان ساعتها بعد ما اخد موافقة بنتي اوافق علي الجواز وعلي فكرة مش هيكون في خطوبة الست شهور دول مجرد تعارف بينك و بينها
وحتي قصاد الناس مش هيتقال اكتر من اصدقاء.قولت اية .
ايهم نظر لوالده مستني رده واكمل هز راسه بالموافقة
ايهم… انا موافق
يونس ابتسم بسخرية… انت بتبص لباباك تاخد رايه اية ملكش راي انت. من دماغك
اكمل لسه هيتكلم
يونس بضيق… لو سمحت يا اكمل عايز اتكلم معه مني لنفسي
و نظر لايهم… ما ترد
ايهم بتوتر… لا طبعا بس مش عيب اني استشير اهلي
يونس بسخرية… انت مش. بتستشيره انت مستني قراره يوافق او يرفض وانا اللي زيك ما قبلوش لبنتي واعتبر اللي قولته ليك ملغي انا بنتي اللي هيتجوزها لازم يكون راجل و قراره من دماغه مش يستني ابوه يقول قراره
اكمل بضيق… انا مش فاهم فين المشكله لما ابني ياخد راي في حاجه مش قادر يحدد فيه حضرتك متنساش ان ابني لسه
صغير مش. كبير بالدرجة الكافية
يونس حط رجل علي رجل و قال بتكبر….. ولما هو صغير و مش قادر ياخد قرارات جاي تجوزه ليه ما تسيبه لغاية ما يكبر و يبقي راجل و بعدين روح اتقدم لبنات الناس
اكمل بغضب… كفاية اهانة لغاية كدة يا يونس بيه يلا قوموا
شاهندا قامت بتوتر و ايهم معها وخرجوا بره البيت وركبوا العربية
اكمل بغضب… شايف نفسه علي اية ده وبعدين يا زفت انت مش قادر تقوله انك موافق بتبصلي ليه يا حيوان
ايهم بتوتر….. يابابا مش حضرتك قولتلي مقولش حاجه من دماغي و لا اتكلم انا عملت اللي طلبته مني مش. اكتر
اكمل بغضب… اخرس و متسمعنيش صوتك
ايهم سكت والدموع لمعت في عيونه وسكت وحط راسه علي ازاز العربية
ورجعوا البيت واكمل كان غضبان و عمال يزعق وشاهندا بتحاول تهديه… اهدي يا حبيبي ضغطك هيعلي اهدي بقي مش كدة و نتقدم لوحدة تانية يعني من قله البنات يا حبيبي اهدي تعالي معايا
واخدته علي غرفتهم وايهم جلس علي الكنب وحط ايده علي وجه وهو حزين
.،.،..،.،،.،.، ،.،. ،، ، ، ،
اما في الفيلا عند يوسف قامت سهر و اخدت دوش سريع و يوسف كان مازال نايم بهدوء
سهر والماء تنزل عليها…… كدة يا سهر دي اخرتها علاقة محرمة ازاي تعملي كده دا انتي ولادك طولك ازاي تعملي كده
خلصت تأنيب ذاتها و لبست هدومها وخرجت شافت يوسف يجلس علي السرير بدون قميص بالبنطلون فقط
شاف سهر لبست هدومها بتستعد للخروج
يوسف مسكها من خصرها وقال… علي فين يا قلبي
سهر بضيق….. ماشية
يوسف بحب مصطنع…. علي فين بس يعني هتمشي و تسيبي جو حبيبك لوحده
ولسه هيقبلها بعدت وقالت بغضب.. كفاية اللي حصل امبارح مش قابله اللي حصل انا عايزة امشي دلوقتي ولما تخلص
طلباتي نكتب
يوسف شد علي خصرها وقال بحده… ليه مفكرة دخولك زي خروجه ولا اية
سهر بصدمة انت بتقول اية
يوسف بغضب… يعني يا حبيبتي كل اللي حصل بينا متسجل صوت وصورة ولو ما نفذتيش اللي انا عايزه ساعتها هتلقي صورك و الفيديو الجامد بتاع امبارح ده هيجيب لايكات بعد شعر راسك يا قمر ها هتنفذي اللي انا عايزه ولا انفذ الاختيار التاني
سهر برعب وبكاء… طب ليه مش انت بتحبني ازاي عايز تأذيني
يوسف بسخرية… احب مين ياماما انا مصلحتي فوق الكل ها قولتي اية
سهر ببكاء…. عايز اية
يوسف بسخرية ونظره شماتة…. هقولك