÷هاه اه اه معاك مد ايدوا لوتين يسلم عليها اتشرفت بيكي يا هانم
مدت وتين اديها واتكلمت ب لباقه تليق بحرم مراد الجزار
-انا اكتر يا عدنان بيه
_طيب انفضل الاكل جاهز
_______
——
علي السفره
_اكيد وحشتك البلد يا عندن باشا
÷اكيد وحشتني اووي
-ليه حضرتك كنت مسافر فين
÷ لفيت العالم كلوا تقريبا بس ملقتش مكان ارتاح فيه اكتر من بلدي فبعد 20 سنه قررت اني ارجع تاني
-اسفه لو هتدخل في شؤون حضرتك بس اكيد في سبب قوي يخليك تسيب بلدك كل العمر دا
ابتسم عندنان بحزن
÷معاكي حق قبل خمسه وعشرين سنه فقدت مراتي وبنتي اسيل كان عمرها اسبوعين ومكنتش مصدق انهم سابوني لوحدي في الدنيا دي اخدت خمس سنين بتعالج عند دكتور نفسي بعدها الدكتور نصحني اني اسافر عشان انسي وانا اهه قدامك بعد خمسه وعشرين سنه منستش
ردت وتين بحزن حقيقي تجاه الراجل دا
-انا اسفهه اووي لو دايقت حضرتك او خليتك تفتكر
رد عندنان بود
÷لا يا بنتي انا منستش عشان افتكر
________
———————
عند محمد
جالوا تيلفون
÷الو
×………
رد محمد بلهفه وهو بيقوم من مكانوا
÷اييه عرفت فينها فين مكانها طيب
×في………..
_____________
————-
في الفيلا عند مراد
÷اووه اسف
الشوكه الخاصه بعدنان وقعت
_لا عادي ثوااني
نده مراد بصوت علي علي نعمه
×نعم يا بيه حضرتك عاوز حا…..
قبل ما تمكل كلامها
قالت بصدمه
×عدناان
عدنان قام وقف مره واحده وقال وهو مش مصدق اللي بيحصل ولا اللي شايفوا
÷ريمااا
ابتسمت ريما بحب وهي بتهز راسها ب ااه
وتين كانت مستغربه مين ريما والخدامه تعرف عدنان من فين
ومراد كان نفس حال وتين
قام عندنان بسرعهه وهو رايح ناحيتها يحضنها
÷ريمااا كنتي فينن ازااي قالوا انك موتي
حضنتوا ريما جاامد ولسانها عاجز عن الكلام
حس عدنان ب ارتخاء جسمها بين اديه
فبعدها عنوا وكانت اغمي عليها
شالها بسرعه وقعدها علي الكنبه وجاب ميه وفوقها
وكل دا كان بيحصل ووتين ومراد واقفين مصدومين
فاقت ريما اخيرا
وحضنت عندنان بكل بحب ولهفه سنين منتهتش
وتين طلعت تيم اوضته
ورجعت تاني
قال مراد ببعض الجديه
_ممكن تشرحولنا اي اللي حصل وحضرتك يا عدنان بيه تعرف نعمه منين
بصلوا عدنان ب استغراب
÷نعمه مين