ميرو : بصت بعيد . لو سمحت انا تعبانه وعايزه استريح .
تيم : طيب ممكن نتكلم شويه .
ميرو : بصت ف عينيه وقالت .نتكلم ف ايه ؟ انت اتكلمت وقولت وقررت كل حاجه ..صدقت فيا انى ممكن اكون عملت كدا.؟. اتقدمتلى وحددت ميعاد الفرح وحددت المده الل هنعيشها مع بعض . بتهايألى كدا مفيش حاجه تتقال .
تيم : بحده .. مريم انا مصدقتش انك تعملى حاجه زى دى ابدا . انا ثقتى فيكى اكبر من اى حد..
واتنهد ومسح وشه بايديه .
. مريم لو سمحتى حاولى تفهمينى . الموضوع كله كان مؤامره علينا احنا الاتنين . والموقف كان أكبر منى ومنك كمان .
. ومكنتش عارف افكر . كانت صدمه بجد . وانا سألتك قبل كده . وقدرت موقفك انك ف حالة صدمه انتى كمان .
وان كنت حددت إن جوازنا سنه . ف ده عشان انتى رفضتى .
.لكن انا استحاله اسيبك لا بعد سنه ولا ١٠٠ سنه كمان . انتى حلم واتحقق . وابقى مجنون لو فكرت اسيبك لأى سبب . انا مصدقت انك تكونى مراتي .
ميرو : بتسمع . وقلبها بيدق بسعاده كبيره .وساكته .
تيم : بتنهيده . طيب انا عارف انك زعلانه لأن ال حصل ده اكبر من طاقتك . وانا هصلح كل حاجه صدقينى . وعايز منك تسامحينى ونبدا من جديد .
ميرو : رفعت عينيها وقالت موافقه اسامحك بس بشرط .
تيم : ضحك بفرحه. موافق.
ميرو : اسمع الشرط الأول .
تيم : من غير ما اسمعه انا موافق.
ميرو : قالت هي اوضة النوم فين؟
تيم : ابتسم . وشاور ليها ع الاوضه .