. وإن دى اول بنت ف بنات العيله حد يضربها . وكمان هجومه عليها واتهامه ليها. نفسها تتخطى وتعيش مبسوطه لكن صعب حاليا .
.وكمان ف سؤال شاغل تفكيرها لما هو بيحبها أوي كدا . اومال كامليا دي ايه؟ وكل شويه يقولى انتى اختى ليييه؟
وانتبهت لما العربيه وقفت . ونزلت من العربيه ومش عايزه منه اى مساعده .
تيم : تفهم زعلها . وقفل العربيه . وقرب منها يشيلها.
ميرو : بعدت عنه خطوتين . وهزت راسها لأ ..
تيم : ابتسم .. وقال جواه هعمل المستحيل عشان ترجعي لقلبى من تانى . وقال تمام اتفضلى ياحبيبتي.
ميرو : رغم إن قلبها ملهوف عليه . لكن لازم تاخد موقف .
. وكمان ال شاغل تفكيرها ازاى بيحبها أوي كدا؟ وكان ديما يقولها انتى اختى؟ وحدد الجواز لمدة سنه واحده .. . وطلعت وهى محرجه جدا . وافكار جواها متلخبطه .
تيم : طلع وراها . وفتح باب الشقه . وقال اتفضلى ياروحي.
ميرو : دخلت وقلبها بيدق بتوتر ومكسوفه . مره واحده هتعيش مع تيم وتحت سقف واحد . ولوحدهم .. وبلعت ريقها بتوتر .
تيم : دخل وقفل الباب . والابتسامه ع وشه. وحط الفون والمفاتيح ع التربيزه . ووقف قدامها . ومش مصدق نفسه. إن حلم حياته وعشقه بقت ع اسمه وحلاله وملكه ف اسبوعين اتنين بس . وابتسم ع توترها الواضح
عليها ..
ميرو : تيم واقف قريب منها وبتتنفس بتوتر من قربه .
تيم : بحُب . مبروك يا مريم .
ميرو : بزعل . مبروك ع ايه ؟
تيم : بعتاب . انتى لسه زعلانه منى ؟