. وحط الصوره . وراح قعد ع سريرها . ومسك العروسه بتاعتها. وافتكر كل المواقف الطريفه بتاعتها . ودمعه خانته ونزلت ع خدو . وغمض عينيه واخد نفس عميق واتنهد بتعب .
. ومسح دموعه وقام وخرج من الاوضه ولف بص عليها تانى . وهز رأسه باستسلام للقدر وقفل النور والباب .
.وراح اوضة تيم . وشاف الكتب بتاعته وصورته مع نور وتيما . وصوره ليه مع محمد . وابتسم بدموع . وسمع صوت باب الحمام . ومسح دموعه بسرعه . وخرج من الاوضه . وراح ع المطبخ يعمل مشروب ل نور .
نور : لبست الاسدال . وصلت ودعت لاولادها بالسعاده . ودعت لعيلتها .وخلصت صلاه . وقامت قلعت الاسدال .
محمد : دخل عليها. وشايل صينيه فيها مشروب اعشاب يهدى اعصاب نورو .
نور : ابتسمت . تسلم ايدك ياحبيبى . طيب كنت قولى وانا اعمله .
محمد : ابتسم لأ انتى ف اجازه من دلوقتى .وقعد ع طرف السرير . وشاور ليها .
نور : قعدت جنبه واستغربت أجازه؟ إجازة ايه؟
محمد : امسكى الاول اشربى ده وانتى هتبقى زي الفل .
نور : بتشرب .اممم تسلم ايدك ياقلبى.
محمد : ابتسم . اسمعى بقى يادكتورة قلبى . احنا الفتره الاخيره ضغطنا ع نفسنا جامد . ومحتاجين فترة نقاهه لانى بجد محتاجلك جدا . ونعيش انا وانتى يومين حلوين كدا. بعيد عن الشغل.
نور : بفرحه كبيره بجد يبقى هنسافر اسكندريه صح؟
محمد : لأ غلط . هنسافر دهب ايه رايك؟
نور : بسعاده واو جميله جدا ياحبيبى انا مبسوطه اوى.
محمد : وانا مش عايز غير انك تكوني مبسوطه يانورى .
نور : ربنا يباركلى فيك ياحبيبى . انت متعرفش بجد أنا بعشقك ومحتاجلك قد ايه؟
محمد : باس كف أيدها . وانا تحت امر بنتى وحبيبتى نورى . نور قلبى وعمري كله . وقرب منها بحب كبير وعاشو ف عالمهم الخاص..
——————بقلمي مريم نصار.
عند كريم .
كريم وصل الشقه. وفتح الباب . وشاور بسعاده اتفضلى ياحبيبتي نورتي بيتك .
ليليان : قلبها بيدق بخوف وتوتر . ودخلت بحرج كبير جدا ..
كريم : قفل الباب .ووقف قدامها . واتأمل وشها . وقرب منها باس جبينها . مبروك ياحياتى.