مراد : عشان هو بيستريح هناك . انتى عارفه بقى اخوكي بيجري الصبح وينزل البيسين . وبيتمرن. وحجات كدا اتعود عليها.
تالين : بزعل ابله مريم وحشتنى اوى اوى يابابا.
مراد : بتنهيده . وانا كمان . وضحك بتمثيل . بكره هتجيلنا كل يوم. اومال؟ دي حفيدة العدوي . يلا ياحبيبتي نامي انتى صاحيه من بدرى ..
تالين : تصبح ع جنه .
مراد : ابتسم بحب وباس جبينها . تصبحى ع السعاده ياقلب ابوكي .
تالين : ابتسمت وغمضت عينيها وهي بتقرأ قرآن لحد ما نامت بعمق ..
مراد : بصلها كتير . وقال جواه. بكره تكبرى انتى كمان وتسبيني زي ميرو .وعيونه لمعت واتنهد . وبعدها ابتسم. وشد عليها الغطا . وطفى الاضاءه . وخرج وقفل الباب ..
فريحه : خلصت صلاه. وقاعده ع طرف السرير وزعلانه.
مراد : دخل عليها. وشاف عيونها حمرا. وقال بتمثيل انا مشوفتش نكد زي نكد الحريم .
. يفرحو يعيطو . يضحكو يعيطو . ينجحو. يعيطو . يعيطو يعيطو . هرمون النكد عندكو تفوق ع النكد نفسه . ايه ده؟
فريحه : غصب عنها ابتسمت . وقامت وقفت قدامه وقالت .وبعدين بقى يامراد . انا زعلانه لانه طبيعى ازعل بنتى بعدت عني.
مراد : حاوطها من وسطها وقال. الطبيعى انك تكوني مع مرادك وبس .
.الزعل والحزن ف قاموس مراد لفريحته ممنوع. فاهمه يابنت المستخبى..
فريحه : هههههههههه يلهوي بقى . قلبى دق من كلامك . وختمتها بالتاتش بتاعك .
مراد : ابتسم شوفتى الضحكه بتنور وشك ازاى ؟ وبعدين ده ف ناس ياما هتموت ومراد العدوي بس يرفع طرف عينيه و يقولهم يابنت المستخبى .
فريحه : صكت ع أسنانها بغيره .
مراد : غمز بس مافيش غير فريحتى . فريحتى وبس . وباسها برقه ..
فريحه : قلبها بيدق . وقالت مراد انا بحبك اوى .
مراد : وانا بعشقك يابنت كوم الشكاير . وقرب منها بحب كبير وشالها لعالمهم الخاص ..
——————بقلمي مريم نصار.