ليليان : عيطت واترمت ف حضنه وقالت زينو متعيطش ارجوك .
زين : غصب عنه ضحك . زينو .حتى ف الوقت ده لمضه . كدا ضيعتى اللحظه يالي لي .
ليليان : بدموع . انا عايزه اشوف حضرتك بتضحك ع طول . دموعك صعبه جدا يازينو .
زين : زاد من حضنها بابتسامه . الف مبروك ياروحي . انتى زي القمر ماشاء الله عليكي ..
ليليان : ميرسي يا اجمل بابي ف الدنيا يابو عيون خضرا انت ياقمر .
زين : طلعها من حضنه وباس جبينها بحب كبير ..واتنهد وبيكابر دموعه . وابتسم بتمثيل .
ريتال : سلمت عليها بدموع الف مبروك ياروحي قمر يالي لي اللهم بارك .
ليليان : بفرحه الله يبارك ف حضرتك ياورتي . وبليز بليييز متعيطيش . لسه ماما مريم .
ريتال : بفرحه حاضر ياحبيبتي .
كريم : و آريان بيسلمو ع كل الموجودين .
آريان : واقف قدام جدو آدم .
آدم : ابتسم بفخر ماشاء الله عليك يا حفيدى الغالى . وفتح ايديه واخده ف حضنه . مبروك يا آريان يبنى .
آريان : غمض عينيه وبيكابر دموعه . وقال الله يبارك ف حضرتك يابابا . انا مبسوط جدا انى مش هبعد عن حضرتك انت وماما .
آدم : ربت ع ضهرو . انتو موجودين ف قلوبنا قبل المكان يا آريان يبنى .
مريم : واقفه ورا آدم ومش قادره تمسك دموعها .
آريان : مسك أيدها وباس عليها وباس جبينها ودخلها كلها ف حضنه . ايه بقى يا اجمل تيته وستو وناناه وامي وكل حاجه حلوه ف حياتى . بتعيطى ليه .
مريم : ضحكت بدموع. وقالت دي دموع الفرح يانور عيني . الف مبروك يابن قلبى .
آدم : شاف ليليان جايه . وضحك بصمت من جمالها الل يخطف . وفتح ايديه ليها .
ليليان : جريت عليه ورمت نفسها ف حضنه وغصب عنها عيطت..
آدم : زاد من حضنها بابتسامه وعيونه مليانه دموع مكبوته . وباس ع راسها . وقال حفيدتى وبنتى وبنت عمري عروسه زي القمر ..
ليليان : بدموع بابا آدم انا مش عايزه ابعد عنك .
آدم : طلعها من حضنه. وضحك وقال يالمضه يعنى هتقدرى تبعدي عن كريم .؟
ليليان : بدموع انا عايزه اعيش معاك وكريم يعيش معانا كمان .
آدم : ابتسم . ومسد ع خدها . انا معاكي ديما ياروحي . الف مبروك .
بعد كدا .
محمد : واقف وشاف تمارا بتسلم ع آدم ومريم . وقابض ع ايديه وبيكابر دموعه . وبينفخ بتوتر .
نور : دموعها نازله زي المطر . ولادها الاتنين هيسبو البيت مره واحده ..
تمارا : قربت من محمد وعيونها لمعت وعيطت بصوت مسموع اترمت ف حضنه وقالت بابي .
محمد : ضمها لقلبه بحب كبير وغمض عينيه بتعب . وساكت ..
كل الموجودين اتأثرو . وعيونهم لمعت .