يوسف:ومن يومها مشوفتهاش غير النهارده و اتعصبت لما افتكرت كل حاجه انا اسف يا مريم اتعصبت عليكى انا مقصدش والله ازعلك و اهو حكيتلك كل حاجه عنها
مريم مسحت دموعها :انا إللى اسفه انى لو لمجرد لحظه واحده شكيت فيك
يوسف ابتسم و باس ايديها بحب
مريم :مصورتنيش برضو صور عدله
يوسف بصدمه انها رغم إللى حصل بتفكر فى الصور و ضحك
مريم بتكشيره:بتضحك على اى !
يوسف بضحك:انتى ازاى كده !
مريم بعدم فهم:كده إللى هو ازاى
يوسف :مش بتنسي حاجه حتى لو الدنيا خربت من حواليكى بتفكرى فى الصور
مريم:ودى حاجه وحشه ولا حلوه !
يوسف:علشانك انتى تبقي حلوه طبعا
مريم ابتسمت بخجل ..
وصلوا قدام العماره و مريم كالعاده كانت طالعه فوق شقتها و يوسف فى الشقه إللى تحتها بس قبل ما تطلع يوسف نده عليها
يوسف:مريم نسيت اقولك حاجه
مريم بانتباه:اى نسيت تقولهولي
يوسف قرب منها و باسها بسرعه فى خدها و مشي و هو بيضحك على شكلها و هى واقفه متسمره مكانها مش مستوعبه ومبرقه من الصدمه بس بعدها ابتسمت بخجل و طلعت للشقه
……..
تانى يوم يوسف اتفق مع المهندس يخلص القصر بسرعه علشان قرر انه هيعمل فرحه هو و مريم فيه و هيجيب مامته و نوح و سها يعيشوا معاهم
مريم فاقت على صوت موبايلها كان بيعلن برساله جديده وصلتلها
مريم فتحت موبايلها و شافت الرساله إللى اتصدمت لما شافتها و كانت من رقم غريب و كان محتوى الرساله
“يا حرام عليكى نايمه على ودنك و متعرفيش مين هو يوسف الحقيقي صدقينى يوسف مش ذي ما انتى شيفاه ”
…………………………..
كانت ريم اتعافت
خالد حس بحاجه غريبه نحيتها بس كبريائه منعه
خالد:لو عاوزه تمشي اتفضلي بس قبل ما تمشي عرفتى هتروحى فين ؟
ريم هزت رأسها ب لا و دمعت
خالد بتعاطف:ريم انتى اى حكايتك !
ريم حكتله قصه حياتها كلها وقد اى اهلها كانوا وحشين معاها
خالد :ريم انتى ممكن تقعدى هنا و تشتغلي و انا هبقي كل فتره و التانيه اعدى عليكى اشوفك
ريم :مش عاوزه ابقي تقيله عليك
خالد :اولا الفيلا دى بتاعتى محدش يعرف مكانها اساسا ف انتى هتقعدى هنا مؤقت لحد ما تستقرى فى حياتك
وبعدين خلينى اتاسفلك بالطريقه دى عن إللى عملته معاكى انا فعلا مكنتش فى وعيي
ريم ابتسمت ووافقت انها هتقعد فى الفيلا لحد ما تستقر
خالد كان هيمشي بس ريم وقفته
ريم :تحب تشرب قهوه؟!
خالد ابتسم ووافق
كانت ريم بتعمل القهوه
وخالد كان قاعد سرحان مش عارف هو حاسس ب اى بس إللى كان متاكد منه ان مشاعره متلغبطه
ريم حضرت القهوه و قدمتها ل خالد و قالت بمرح قهوتى احسن قهوه بتتعمل فى مصر
خالد بضحك ورفع حاجبه:يا راجل ؟
ريم بمرح :اماااااااال ! دوق وانت تعرف
خالد شرب رشفه من القهوه و فعلا كان طعمها حلو وانبهر
ريم بصتله و عرفت انها عجبته
خالد :اممم لا تستاهلي ١٠/١٠
ريم بتكبر مصطنع:قولتلك
خالد ضحك و من جواه كان حاسس بالندم انه ظلم بنت رقيقه و طيبه ذي دى
خالد بتوتر:ريم انا عاوز اقولك حاجه
ريم بانتباه:اتفضل طبعا قول
خالد :انا
قبل ما خالد يكمل كلامه باب الفيلا خبط
ريم بخوف:مش قولتلي ان مفيش حد غيرك يعرف المكان ده !!
خالد باستغراب:ايوا فعلا محدش يعرف و كمل بجديه اطلعي فوق دلوقتى لحد ما اشوف مين
يتبع…
مريم فتحت موبايلها و شافت الرساله إللى اتصدمت لما شافتها و كانت من رقم غريب و كان محتوى الرساله “يا حرام عليكى نايمه على ودنك و متعرفيش مين هو يوسف الحقيقي صدقينى يوسف مش ذي ما انتى شيفاه ”
مريم اتصدمت و فكرت تقول ل يوسف بس قررت انها مش هتعرفه اى حاجه عن الرساله دى و تطنش الرساله
لانها عارفه أخلاق يوسف كويس وبتثق فيه و هى وعدته انها مش هتشك فيه تانى
مريم لبست بدله شيك باللون الابيض لان دخ لونها المفضل و رفعت شعرها ديل حصان و عملت قهوه و شربتها و شغلت اغنيه قولنى كلام ل تامر حسنى و كانت مندمجة مع الاغنيه و بعد شويه باب الشقه خبط وراحت تفتح و كان يوسف إللى اتفاجئ انها صاحيه من بدرى و مش نعسانه ذي كل يوم
يوسف بانبهار:ده احنا اتطورنا بقي !
مريم بضحك :تعالى ادخل
يوسف دخل و شافها عامله قهوه و مشغله الاغنيه
يوسف امممممم مشغله اغنيه قولنى كلام !
مريم بابتسامه :اه بحبها اوى
يوسف بحب: طب والله انتى إللى قولتينى كلام اول مره اقوله
مريم اتكسفت و كملت كلام طب يلا بينا نروح الشركه
يوسف:استنى عندك ! هو انتى عاوزه تيجى معايا الشركه كده ؟! بلبسك ده!
مريم بتكشيره:و ماله لبسي؟ما انا لابسه بدله
يوسف بنرفزه:المشكله مش فى بدله المشكله ان شكلك حلو فيها
مريم بتكشيره:و فيها اى لما ابقي حلوه !!
يوسف بغيره:والله !! و الموظفين فى الشركه يبصولك باعجاب و انا ابقي اى!!كيس جوافه؟! اللبس ده هيتغير يا مريم
مريم بتحدى:ولو مغيرتوش؟