خالد إللى كنت اعرفه زمان انت دايما مكتئب و مش بتكلم حد حتى مامتك و جاى تقولي دلوقتى بتبعدى ليه ؟
خالد بصدمه:انا خنيق؟
ليلي :ايوا و بصراحه كده انا عاوزه ناخد استراحه من بعض
خالد:يعنى اى ؟
ليلي:يعنى نبعد فتره عن بعض لحد ما ترجع لحالتك الطبيعيه
خالد :انتى بتبعدى عنى فى وقت انا محتاجك فيه ؟ انتى كدة بتثبتى انك عاوزانى دايما بضحك و مبسوط و فى
احسن حالاتى اما لو كنت مش كويس تبعدى انتى كده مش بتحبينى يا ليلي ! ده مش حب الحب انك تتقابلينى فى أسوأ حالاتى
ليلي ببرود:خالد انا مش عاوزه اسمع محاضره عن الحب بيكون ازاى و ياريت نبعد بقي
خالد بصلها باستحقار:تمام بس انا لو مشيت دلوقتى مش راجع تانى سلام
خالد حس ان فعلا ممكن يكون ظلم مريم مستحيل ان ليلي تكون معاه وقت ما كان تعبان و كان لازم يصدقها بس هو مش فاكر اى حاجه و مش فاكر حتى عرف مريم ازاى
خالد مشي وراح للدكتور إللى كان عامل عنده العمليه
الدكتور:اهلا اهلا خالد باشا اتفضل
خالد سلم عليه و قعد
خالد:انا كنت جاى اسالك سؤال يا دكتور
الدكتور:اتفضل انا تحت امرك
خالد : هو انا مستحيل افتكر الفتره إللى كنت تعبان فيها ؟ ده بجد يعنى مفيش امل ؟!
الدكتور اتوتر و ذي ما يكون مخبي حاجه عليه و خالد لاحظ ده
خالد: فى اى يا دكتور؟
الدكتور:بصراحه يا خالد باشا هو فيه علاج بيخليك تسترجع الفتره إللى عيشتها و تفتكرها عادى جدا بس
خالد :بس اى ؟؟وطالما فيه علاج ليه مقولتش عليه من الأول
الدكتور:بصراحه والدتك هى إللى قالتلي انها مش عاوزاك تفتكر الفتره دى
خالد بصدمه :ماما؟!!! هى إللى عملت كده . انت بتقول اى ؟! وليه تعمل حاجه ذي كده فيا !!
يتبع…
بارت هديه و كل ما التفاعل يزيد هنزل البارت إللى بعده بسرعه
بقلم منار العتال
الدكتور: بصراحه والدتك هى إللى قالتلي انها مش عاوزاك تفتكر الفتره دى
خالد بصدمه :ماما؟!!هى إللى عملت كده . انت بتقول اى ؟! وليه تعمل حاجه ذي كده فيا !!
الدكتور:والله يا خالد باشا انا مش عارف بس تقدر تسالها بنفسك
خالد مشي من عند الدكتور و هو فى حاله من الصدمه و عدم تصديق ان ممكن والدته تعمل كده
وصل خالد البيت و اول ما وصل راح ل مامته
خالد:تقدرى تفهمينى عملتى كده ليه !!!
يسرى والده خالد :عملت اى ؟
خالد حكلها كل الكلام إللى قاله الدكتور