_عنايات :- انتى عندنا هنا ياحبيبتى متخافيش بس اتفاجئت أن جميلة مفتحتش عينها بس اتحرجت تسألها وكمان قالت إن ده ممكن يكون تأثير الوقعة وعينها وجعاها
_جميلة :- هو حصل ايه
_عنايات :- عمك رجب جوزى وابنى مهند كانو بيصيدوا دى شغلتهم يعنى ولقوكى ف البحر بس من كرم ربنا انك كنتى لسة واقعة تقريبا فكنتى لسة عايشة وفيكى النفس ،افتكرت جميلة وبدأت تعيط بشهقة لأنها عرفت
أن دى كانت خطة ومن مييين ؟! من بنت عمها ،اول ماعنايات شافتها بتعيط خدتها ف حضنها وقالت لشروق بنتها تعملها شوربة ،بعدها قعدت عنايات وشروق يتكلموا معاها وبدأت جميلة تحكيلهم عن حياتها وهي بتعيط
___تانى يوم الصبح __
_رجع حمدى على البيت ،عزة كانت مستنياه واول مالمحته دخل البيت
_عزة:- عرفتوووا حاجة عن بنتى
_حمدى بحسرة :- لااااء الكل لسة بيدور وملهاش اثر
_رجع سليم البيت لانه مكنش ف البيت شاف عمه ومرات عمه باين عليهم القهرة قرب منهم بهدوء:- في ايه يعمى
_ حمدى بعصبية:- متقولش عمى انا ابن اخوووويا مااات ،صدقنى اللى بيحصل لجميلة ده مش هسامحك عليه ولو جميلة حصلها حاجة مش هرحمك
_عزة بعياط :- ياريتنى ماوافقت انها تمشى مع زينة وآية ياريتنى رجعو ومن غير بنتى
_سليم بخووف:- جميلة؟!!! ،جميله حصلها ايه
_عزة:- مش لقيانها